ប្រព័ន្ធស្ថិតិអត្រានុកូលដ្ឋាន

បណ្ណាល័យ គ.ជ.អ.ប

នៅរសៀលថ្ងៃពុធ ១កើត ខែបឋមសាធ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៣ ខែមិថុនា ឆ្នាំ២០១៨នេះ នៅសាលប្រជុំសាលាខេត្ត រដ្ឋបាលខេត្តស្វាយរៀង បានរៀបចំកិច្ចប្រជុំពង្រឹងក្រុមការងារផ្សព្វផ្សាយបណ្តាញសង្គមប្រចាំខេត្តស្វាយរៀង ក្រោមអធិបតីភាព ឯកឧត្តម តូច ប៉ូលីវ៉ា

កិច្ចប្រជុំពង្រឹងក្រុមការងារផ្សព្វផ្សាយព័ត៌មាន លើបណ្តាញសង្គមប្រចាំខេត្តស្វាយរៀង

នៅរសៀលថ្ងៃពុធ ១កើត ខែបឋមសាធ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៣ ខែមិថុនា ឆ្នាំ២០១៨នេះ នៅសាលប្រជុំសាលាខេត្ត រដ្ឋបាលខេត្តស្វាយរៀង បានរៀបចំកិច្ចប្រជុំពង្រឹងក្រុមការងារផ្សព្វផ្សាយបណ្តាញសង្គមប្រចាំខេត្តស្វាយរៀង ក្រោមអធិបតីភាព ឯកឧត្តម តូច ប៉ូលីវ៉ា អភិបាលរង នៃគណៈភិបាលខេត្តស្វាយរៀង ។

អញ្ជើញចូលរួមក្នុងកិច្ចប្រជុំនេះរួមមាន លោកនាយករងរដ្ឋបាលខេត្ត លោកមេបញ្ជាការរងកងកម្លាំងប្រដាប់អាវុធទាំងបី លោក លោកស្រីប្រធាន អនុប្រធាន មន្ទីរអង្គភាព អភិបាលក្រុង ស្រុក និងមន្ត្រីព័ត៌មានខេត្ត ក្រុង ស្រុក ។

កិច្ចប្រជុំនេះមានគោលបំណងពង្រឹង និងតាមដានព័ត៌មានសំខាន់ៗដែលបានផ្ញើចូលក្នុងគ្រុបតេឡេក្រាមសំខាន់ៗ និងចែករំលែកបន្ត ក្នុងនោះត្រូវចូលរួមតាមដាននូវសំណូមពរនានារបស់ប្រជាពលរដ្ឋ ដែលបានផ្ញើទៅកាន់ផេកហ្វេសបុក (Facebook Page)សម្តេចតេជោ និងផេករដ្ឋបាលខេត្ត ធ្វើការឆ្លើយតបបកស្រាយ និងដោះស្រាយបញ្ហាជូនប្រជាពលរដ្ឋឲ្យបានទាន់ពេលវេលា និងជាពិសេសឆ្លើយតបភ្លាមៗនូវរាល់ព័ត៌មានមិនពិត ព័ត៌មានប្រឌិតញុះញង់បំផុសបំផុលមិនឲ្យប្រជាពលរដ្ឋទៅបោះឆ្នោតជាដើម ដែលតែងតែកើតមានលើបណ្តាញសង្គមហ្វេសបុកនាពេលពេលបច្ចុប្បន្ន ។ ម្យ៉ាងទៀតត្រូវចូលរួមគាំទ្រផ្សព្វផ្សាយនូវព័ត៌មានសំខាន់ៗរបស់រាជរដ្ឋាភិបាល រួមទាំងថ្នាក់ជាតិ និងថ្នាក់ក្រោមជាតិ បានខិតខំកសាងដូចជាហេដ្ឋារចនាសម្ព័ន្ធនានាដែលកម្ពុជាកំពុងបោះជំហានទៅមុខ ។

ក្នុងឱកាសនោះ ឯកឧត្តមអភិបាលរងខេត្ត ក៏បានជំរុញការត្រួតពិនិត្យនូវសកម្មភាពនៃ ក្រុមការងារផ្សព្វផ្សាយបណ្តាញសង្គមតាមក្រុុមនីមួយៗ ត្រូវពង្រឹងការអនុវត្តតួនាទីភារកិច្ចរៀងៗខ្លួនឲ្យមានប្រសិទ្ធភាព ៕

នាព្រឹកថ្ងៃអង្គារ ១៤រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១២ ខែមិថុនា ឆ្នាំ២០១៨នេះ នៅសាលប្រជុំសាលាខេត្តស្វាយរៀង មានរៀបចំពិធីប្រកាសចូលកាន់តំណែងប្រធានមន្ទីរកិច្ចការនារីខេត្ត ក្រោមអធិបតីភាពលោកជំទាវវេជ្ជបណ្ឌិត អ៊ឹង កន្ថាផាវី រដ្ឋមន្ត្រីក្រសួង

នាព្រឹកថ្ងៃអង្គារ ១៤រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១២ ខែមិថុនា ឆ្នាំ២០១៨នេះ នៅសាលប្រជុំសាលាខេត្តស្វាយរៀង មានរៀបចំពិធីប្រកាសចូលកាន់តំណែងប្រធានមន្ទីរកិច្ចការនារីខេត្ត ក្រោមអធិបតីភាពលោកជំទាវវេជ្ជបណ្ឌិត អ៊ឹង កន្ថាផាវី រដ្ឋមន្ត្រីក្រសួងកិច្ចការនារី និងឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង ។ ក្នុងពិធីនេះ មានការអញ្ជើញចូលរួមពីលោកជំទាវរដ្ឋលេខាធិការ ឯកឧត្ដម លោកជំទាវ និងលោក លោកស្រីថ្នាក់ដឹកនាំ ក្រសួងកិច្ចការនារី លោកជំទាវអភិបាលរងខេត្ត លោក លោកស្រីនាយក នាយករងរដ្ឋបាលសាលាខេត្ត តំណាងសាលាដំបូងខេត្ត តំណាងព្រះរាជអាជ្ញាខេត្ត កងកម្លាំងទាំងបី អភិបាលក្រុង ស្រុក ប្រធានមន្ទីរ-អង្គភាពនានាជុំវិញខេត្ត និងមន្ត្រីពាក់ព័ន្ធមួយចំនួន ។

មានប្រសាសន៍ក្នុងឱកាសនោះ លោកជំទាវរដ្ឋមន្ត្រី និងឯកឧត្ដមអភិបាលខេត្ត បានសម្ដែងនូវការកោតសរសើរ និងវាយតម្លៃខ្ពស់ ចំពោះថ្នាក់ដឹកនាំ និងមន្ត្រីរាជការ គ្រប់លំដាប់ថ្នាក់ នៃមន្ទីរកិច្ចការនារីខេត្ត ក្រោមការដឹកនាំរបស់លោកស្រី ភួង សារី ជាប្រធានមន្ទីរ កន្លងមក បានយកចិត្តទុកដាក់ដឹកនាំអនុវត្តការងារតាមតួនាទី ភារកិច្ច ប្រកបដោយការសហការ និងសាមគ្គីភាព ឯកភាពផ្ទៃក្នុង នាំឲ្យការអនុវត្តការងារកិច្ចការនារីសម្រេចបានលទ្ធផលល្អប្រសើរ ចូលរួមចំណែកក្នុងការជួយគាំទ្រដល់ការអនុវត្តគោលនយោបាយលើកកម្ពស់សមភាពយេនឌ័រ ការថែទាំសុខភាពស្រី្ត និងកុមារ ជាពិសេសការជួយពង្រឹងសមត្ថភាពស្រ្តី ទាំងចំណេះដឹង ចំណេះធ្វើ និងទាំងក្នុងការងារសេដ្ឋកិច្ច និងការសម្រេចចិត្តនានា ស្របតាមកម្មវិធីនយោបាយ និងយុទ្ធសាស្ត្រចតុកោណរបស់រាជរដ្ឋាភិបាលកម្ពុជា ។

ជាមួយនេះ លោកជំទាវរដ្ឋមន្ត្រី និងឯកឧត្ដមអភិបាលខេត្ត ក៏បានផ្ដាំផ្ញើដល់លោកស្រី ទុំ សារានី ប្រធានមន្ទីរ ដែលទើបទទួលបានការតែងតាំងថ្មី ត្រូវបន្តបេសកកម្មដឹកនាំអនុវត្តការងារកិច្ចការនារីក្នុងខេត្ត ឲ្យកាន់តែទទួលបានលទ្ធផលល្អប្រសើរថែមទៀត ជាពិសេសសក្នុងការលើកកម្ពស់ និងបញ្ជ្រាបសមភាពយេនឌ័រ ការផ្ដល់ និងពង្រឹងសិទ្ធិអំណាចស្ដី្រ ការការពារ និងការផ្ដល់សេវាអប់រំសុខភាព រួមទាំងការងារជាច្រើនទៀត ដើម្បីជាប្រយោជន៍សម្រាប់ស្រ្តី កុមារ ជនរងគ្រោះ និងជនងាយរងគ្រោះ ត្រូវខិតខំពង្រឹងការសាមគ្គីភាពឯកភាពផ្ទៃក្នុងឲ្យបានល្អ ដើម្បីធានានិរន្តភាពការងារប្រកបដោយប្រសិទ្ធភាព និងត្រូវយកចិត្តទុកដាក់គ្រប់គ្រង ដឹកនាំមន្ត្រីរាជការក្រោមឱវាទឲ្យបានល្អប្រសើរប្រកបដោយការទទួលខុសត្រូវខ្ពស់ ព្រមទាំងត្រូវមានការសហការល្អជាមួយរដ្ឋបាលដែនដីគ្រប់លំដាប់ថ្នាក់ មន្ទីរ-អង្គភាពនានា ក្នុងការរួមចំណែកលើកកម្ពស់ជីវភាពរស់នៅ និងសុខមាលភាពរបស់ប្រជាពលរដ្ឋ និងការអភិវឌ្ឍខេត្តឲ្យកាន់តែមានការរីកចម្រើន ៕

នាព្រឹកថ្ងៃចន្ទ ១៣រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១១ ខែមិថុនា ឆ្នាំ២០១៨នេះ រដ្ឋបាលខេត្តស្វាយរៀង បានរៀបចំពិធីសំណេះសំណាល អបអរសាទរ និងផ្ដល់នូវប្រាក់ឧបត្ថម្ភបន្ថែមសម្រាប់គ្រូបង្វឹក និងកីឡាករ កីឡាការិនីជ័យលាភីពីការប្រកួតកីឡាជាតិ

នាព្រឹកថ្ងៃចន្ទ ១៣រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១១ ខែមិថុនា ឆ្នាំ២០១៨នេះ រដ្ឋបាលខេត្តស្វាយរៀង បានរៀបចំពិធីសំណេះសំណាល អបអរសាទរ និងផ្ដល់នូវប្រាក់ឧបត្ថម្ភបន្ថែមសម្រាប់គ្រូបង្វឹក និងកីឡាករ កីឡាការិនីជ័យលាភីពីការប្រកួតកីឡាជាតិលើកទី២ ឆ្នាំ២០១៨ នៅសាលប្រជុំធំសាលាខេត្ត ក្រោមអធិបតីភាពឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង និងឯកឧត្ដម ជុំ ហាត ប្រធានក្រុមប្រឹក្សាខេត្ត និងមានការអញ្ជើញចូលរួមពីឯកឧត្ដម លោកជំទាវសមាជិកក្រុមប្រឹក្សាខេត្ត អភិបាលរងខេត្ត តំណាងកងកម្លាំងទាំងបី ប្រធានមន្ទីរ-អង្គភាព អភិបាលក្រុង ស្រុក ប្រធាន អនុប្រធានមន្ទីរអប់រំ យុវជន និងកីឡាខេត្ត ប្រធានការិយាល័យអប់រំក្រុង ស្រុក លោកនាយកសាលា ព្រមទាំងប្រតិភូដឹកនាំកីឡា គ្រូបង្វឹក និងកីឡាករ កីឡាការិនី ចំនួន ១៨៤រូប ។

មានប្រសាសន៍ក្នុងឱកាសនោះ ឯកឧត្ដមអភិបាលខេត្ត បានចូលរួមអបអរសាទរ និងសម្ដែងនូវការកោតសរសើរ ចំពោះ ថ្នាក់ដឹកនាំ និងមន្ត្រីពាក់ព័ន្ធ នៃមន្ទីរអប់រំ យុវជន និងកីឡាខេត្ត ព្រមទាំងប្រតិភូដឹកនាំកីឡា និងគ្រូបង្វឹក ជាពិសេសកីឡាករ កីឡាការិនីជ័យលាភីទាំងអស់ ដែលបានខិតខំប្រឹងប្រែង យកអស់កម្លាំងកាយចិត្ត និងសមត្ថភាព ប្រកបដោយស្មារតីប្ដេជ្ញាចិត្តខ្ពស់ក្នុងការប្រកួតប្រជែងដ៏ស្វិតស្វាញ ដោយដណ្ដើមបានលទ្ធផលគួរជាទីមោទនៈសម្រាប់ខេត្តស្វាយរៀង ក្នុងព្រឹត្តិការណ៍កីឡាជាតិលើកទី២ ឆ្នាំ២០១៨ ដែលលទ្ធផលដ៏ល្អប្រសើរនេះ គឺមិនត្រឹមតែជាមោទនភាព និងផ្ដល់នូវកិត្តិយសផ្ទាល់ខ្លួនដល់ក្មួយៗ ក្រុមគ្រួសារ ឪពុកម្ដាយ អាណាព្យាបាល បងប្អូន លោកគ្រូ អ្នកគ្រូ និងសាលាប៉ុណ្ណោះទេ ប៉ុន្តែ ជាមោទនភាព និងកិត្តិយស របស់ប្រជាជន និងខេត្តស្វាយរៀងយើងទាំងមូល ។

ជាមួយនេះ ឯកឧត្ដមអភិបាលខេត្ត ក៏បានលើកទឹកចិត្តចំពោះកីឡាករ កីឡាការិនី ដែលពុំទទួលបានមេដាយ ក៏កុំទាន់អាលអស់សង្ឃឹម កីឡាគឺតែងតែមានឈ្នះ និងមានចាញ់ បើយើងចាញ់នៅថ្ងៃនេះ ហើយបាក់ទឹកចិត្ត និងអស់សង្ឃឹម នោះយើងនឹងគ្មានផ្លូវឈ្នះនៅថ្ងៃក្រោយនោះទេ ផ្ទុយទៅវិញត្រូវតែបន្តខិតខំប្រឹងប្រែងហ្វឹកហាត់បង្កើនសមត្ថភាពថែមទៀត ហើយក្នុងនាមរដ្ឋបាលខេត្ត ឯកឧត្ដមអភិបាលខេត្ត នៅតែបន្តជួយគាំទ្រ និងផ្ដល់កម្លាំងចិត្តដល់កីឡាករ កីឡាការិនីជានិច្ច សំដៅឈានឆ្ពោះទៅដណ្ដើមនូវជ័យជម្នះ និងពានរង្វាន់ឲ្យបានកាន់តែច្រើនថែមទៀត ក្នុងព្រឹត្តិការណ៍កីឡានានា ក៏ដូចជាព្រឹត្តិការណ៍កីឡាជាតិលើកទី៣ ឆ្នាំ២០២០ ខាងមុខ ។

សូមបញ្ជាក់ថា ក្នុងព្រឹត្តិការណ៍កីឡាជាតិលើកទី២នេះ ខេត្តស្វាយរៀង ដណ្ដើមបានមេដាយ សរុប ២១មេដាយ (មេដាយមាស ៣ មេដាយប្រាក់ ៨ និងមេដាយសំរឹទ្ធិ ១០) លើ ០៦វិញ្ញាសារ រួមាន បាល់ទាត់បុរស ទទួលបានមេដាយមាស ១ បាល់ទាត់នារី ទទួលបានមេដាយសំរឹទ្ធិ ១ បាល់បោះបុរស ទទួលបានមេដាយសំរឹទ្ធិ ១ វ៉ូវីណាម ទទួលបានមេដាយមាស ១ និងប្រាក់ ៤ វាយសី ទទួលបានមេដាយមាស ១ ប្រាក់ ១ និងសំរឹទ្ធិ ២ និងតេក្វាន់ដូ ទទួលបានប្រាក់ ៣ និងសំរឹទ្ធិ ៦ ។

ចំពោះប្រាក់រង្វាន់ដែលផ្ដល់ជូននាឱកាសនោះ រួមមាន ៖
-កីឡាករ កីឡាការិនី ដែលទទួលបានមេដាយមាស ក្នុង ១គ្រឿង ទទួលបាន ៨០ម៉ឺនរៀល បានមេដាយប្រាក់ ក្នុង ១គ្រឿង ទទួលបាន ៦០ម៉ឺនរៀល មេដាយសំរឹទ្ធិ ក្នុង ១គ្រឿង ទទួលបាន ៤០ម៉ឺនរៀល ។
-គ្រូបង្វឹក និងប្រតិភូដឹកនាំកីឡា ២៧នាក់ ក្នុងម្នាក់ទទួលបាន ៥០ម៉ឺនរៀល ។
-ដោយឡែក កីឡាករ កីឡាការិនី ដែលមិនទទួលបានមេដាយ ៨៣នាក់ ក៏មានប្រាក់ឧបត្ថម្ភសម្រាប់ជាការលើកទឹកចិត្ត ក្នុងម្នាក់ ១០ម៉ឺនរៀល ផងដែរ ៕

នាព្រឹកថ្ងៃពុធ ០៨រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៥ ខែមិថុនា ឆ្នាំ២០១៨នេះ រដ្ឋបាលខេត្ដស្វាយរៀង បានរៀបចំពិធីទទួល និងដង្ហែរអបអរសាទរប្រតិភូកីឡា គ្រូបង្វឹក កីឡាករ កីឡាការិនី ខេត្តស្វាយរៀង ដែលទើបត្រឡប់ពីការចូលរួមប្រកួតព្រឹត្តិការណ៍កីឡា

ពិធីទទួល និងដង្ហែរអបអរសាទរប្រតិភូកីឡា គ្រូបង្វឹក កីឡាករ កីឡាការិនី ខេត្តស្វាយរៀង

នាព្រឹកថ្ងៃពុធ ០៨រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៥ ខែមិថុនា ឆ្នាំ២០១៨នេះ រដ្ឋបាលខេត្ដស្វាយរៀង បានរៀបចំពិធីទទួល និងដង្ហែរអបអរសាទរប្រតិភូកីឡា គ្រូបង្វឹក កីឡាករ កីឡាការិនី ខេត្តស្វាយរៀង ដែលទើបត្រឡប់ពីការចូលរួមប្រកួតព្រឹត្តិការណ៍កីឡាជាតិលើកទី២ ឆ្នាំ២០១៨ នៅរាជធានីភ្នំពេញ ។

ពិធីទទួល និងដង្ហែរនេះ ប្រព្រឹត្តិទៅចាប់ពីឃុំក្រោលគោ ត្រង់ចំណុចព្រំប្រទល់ខេត្តស្វាយរៀង-ព្រៃវែង រហូតដល់ក្រុងស្វាយរៀង ដោយមានការចូលរួមពីឯកឧត្ដម ហែម ពិសិដ្ឋ អភិបាលរង នៃគណៈអភិបាលខេត្តស្វាយរៀង តំណាងឯកឧត្ដម ម៉ែន វិបុល អភិបាល នៃគណៈអភិបាលខេត្ត ថ្នាក់ដឹកនាំមន្ទីរអប់រំ យុវជន និងកីឡាខេត្ត ប្អូនៗយុវជនសហភាពសហព័ន្ធយុវជនកម្ពុជាខេត្ត ព្រមទាំងមានការចូលរួមអបអរសាទរ ទទួលស្វាគមន៍ ឈរជារបងអមសងខាងផ្លូវពីប្អូនៗនិស្សិតសាកលវិទ្យាល័យស្វាយរៀង ប្អូនៗសិស្សានុសិស្សវិទ្យាល័យហ៊ុនសែនស្វាយជ្រំ វិទ្យាល័យហ៊ុនសែនចេក សាលាបឋមសិក្សាព្រះសីហនុ និងប្អូនៗសិស្សានុសិស្សវិទ្យាល័យស្វាយរៀង យ៉ាងច្រើនកុះករ ។

សូមបញ្ជាក់ថា នៅក្នុងព្រឹត្តិការណ៍កីឡាជាតិលើកទី២ ចាប់ផ្ដើមពីថ្ងៃទី២៥ ខែឧសភា និងបានបិទបញ្ចប់កាលពីថ្ងៃទី០៤ ខែមិថុនា ឆ្នាំ២០១៨ ខេត្តស្វាយរៀងបានបញ្ជូនកីឡាទៅចូលរួមប្រកួត ចំនួន ១២ប្រភេទកីឡា ទទួលបានមេដាយសរុប ២១គ្រឿង ក្នុងនោះមេដាយមាស ចំនួន ០៣គ្រឿង មេដាយប្រាក់ ចំនួន ០៨គ្រឿង និងមេដាយសំរឹទ្ធិ ចំនួន ១០គ្រឿង ដែលមេដាយមាស បានទៅលើប្រភេទកីឡាបាល់ទាត់បុរស ១គ្រឿង វាយសីគូ(បុរស-នារី) ១គ្រឿង និងវ៉ូវីណាម ១គ្រឿង មេដាយប្រាក់ បានទៅលើប្រភេទកីឡាវាយសីគូ(នារី) ១គ្រឿង វ៉ូវីណាម ៤គ្រឿង និងតេក្វាន់ដូ ៣គ្រឿង និងមេដាយសំរឹទ្ធិ បានទៅលើប្រភេទកីឡាបាល់ទាត់នារី ១គ្រឿង វាយសី(នារីទោល) ១គ្រឿង វាយសីជាក្រុម ១គ្រឿង បាល់បោះបុរស ១គ្រឿង និងតេក្វាន់ដូ ៦គ្រឿង ៕

អត្ថបទ​ផ្សេងៗ​ទៀត...

  1. នាព្រឹកថ្ងៃព្រហស្បតិ៍ ០២រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៣១ ខែឧសភា ឆ្នាំ២០១៨ ឯកឧត្ដម តូច ប៉ូលីវ៉ា អភិបាលរង នៃគណៈអភិបាលខេត្តស្វាយរៀង តំណាងឯកឧត្ដមអភិបាលខេត្ត បានអញ្ជើញជាអធិបតីក្នុងពិធីប្រារព្ធខួបលើកទី៦៩ ទិវាកុមារអន្តរជាតិ ០១ មិថុនា ២០១៨
  2. នាព្រឹកថ្ងៃព្រហស្បតិ៍ ០២រោច ខែជេស្ឋ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៣១ ខែឧសភា ឆ្នាំ២០១៨នេះ នៅសាលប្រជុំសាលាខេត្តស្វាយរៀង មានរៀបចំកិច្ចប្រជុំសាមញ្ញលើកទី៤៨ ឆ្នាំទី៤ អាណត្តិទី២ របស់ក្រុមប្រឹក្សាខេត្តស្វាយរៀង
  3. នារសៀលថ្ងៃពុធ ០១រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៣០ ខែឧសភា ឆ្នាំ២០១៨នេះ នៅសាលប្រជុំសាលាខេត្ត មានរៀបចំកិច្ចប្រជុំស្ដីពីកិច្ចការពារសន្តិសុខសណ្ដាប់ធ្នាប់សាធារណៈ និងកិច្ចការពារការបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨
  4. នាព្រឹកថ្ងៃចន្ទ ១៤កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងទី២៨ ខែឧសភា ឆ្នាំ២០១៨នេះ ឯកឧត្ដម ហ៊ូ វតនៈ អភិបាលរង នៃគណៈអភិបាលខេត្តស្វាយរៀង តំណាងឯកឧត្ដមអភិបាលខេត្ត បានអញ្ជើញចូលរួមក្នុងសិក្ខាសាលាស្ដីពីការផ្សព្វផ្សាយលទ្ធផលអត្តសញ្ញាណកម្មគ្រួសារក្រីក្រ

ព័ត៌មានថ្មីៗ

យុទ្ធសាស្ត្រចតុកោណ(ដ៣)

ចំនួនអ្នកទស្សនា

ថ្ងៃនេះ 0

ម្សិលមិញ 36

សប្តាហ៍ 36

ខែ 123

សរុប 7346