ប្រព័ន្ធស្ថិតិអត្រានុកូលដ្ឋាន

បណ្ណាល័យ គ.ជ.អ.ប

កិច្ចប្រជុំបូកសរុបលទ្ធផលការងារប្រចាំឆ្នាំ២០១៧ និងលើកទិសដៅសម្រាប់អនុវត្តបន្តឆ្នាំ២០១៨

នាព្រឹកថ្ងៃព្រហស្បតិ៍ ១០រោច ខែបុស្ស ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១១ ខែមករា ឆ្នាំ២០១៨នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តស្វាយរៀង បានអញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារប្រចាំឆ្នាំ២០១៧ និងលើកទិសដៅសម្រាប់អនុវត្តបន្តឆ្នាំ២០១៨ របស់គណៈកម្មាធិការសាខា
នៅទីស្នាក់ការសាខាកាកបាទក្រហមកម្ពុជាខេត្តស្វាយរៀង ។ ក្នុងកិច្ចប្រជុំនេះ មានការអញ្ជើញចូលរួមពីលោកជំទាវ លោក លោកស្រី សមាជិក សមាជិកា គណៈកម្មាធិការសាខា ក្រុមប្រតិបត្តិសាខា ព្រមទាំង លោក លោកស្រីជាប្រធាន អនុប្រធានគណៈកម្មាធិការអនុសាខា ក្រុង ស្រុក ទាំង៨ សរុបចំនួន ២៤នាក់ ។

ក្នុងឱកាសនោះ ឯកឧត្ដម ម៉ែន វិបុល បាន
ថ្លែងនូវការអរគុណចំពោះការចូលរួមរបស់ថ្នាក់ដឹកនាំ សមាជិក សមាជិកាគណៈកម្មាធិការសាខា និងអនុសាខានាពេលនេះ ដែលសរបញ្ជាក់ឲ្យឃើញនូវស្មារតី និងការទទួលខុសត្រូវ ចំពោះសកម្មភាពដែលបានអនុវត្តនាពេលកន្លងមក ស្របទៅនឹងយុទ្ធសាស្ត្រ ទស្សនៈវិស័យ និងបេសកកម្ម សកម្មភាពការងារ ក្នុងវិស័យ មនុស្សធម៌ រួមចំណែកកាត់បន្ថយភាពក្រីក្រ ជួយដល់ជនងាយរងគ្រោះ ។

មានប្រសាសន៍បូកសរុបកិច្ចប្រជុំ ឯកឧត្ដមប្រធានគណៈកម្មាធិការសាខា បានឯកភាពក្នុងការកែលម្អអគារទីស្នាក់ការសាខា និងអនុសាខា ព្រមទាំងបានសំណូមពរដល់អនុសាខាទាំង៨ ក្រុង ស្រុក ត្រូវពង្រឹងបន្ថែមលើការងាររដ្ឋបាល និងហិរញ្ញវត្ថុ ការងារស្វែងរកមូលនិធិ ត្រូវជួយកៀរគរបន្ថែម ដោយផ្តោតសំខាន់ទៅលើការរៀបចំ និងការប្រព្រឹត្តទៅនៃការងារស្នូលរបស់សាខា និងអនុសាខាទាំងអស់បានអនុវត្តតាមវិស័យស្នូលទាំង៤ ឲ្យមានដំណើរការល្អស្របតាមអាណត្តិនៃការងារ ទោះបីមានការខ្វះចន្លោះក្នុងការចូលរួមរបស់គណៈកម្មាធិការសាខា មិនបានគ្រប់សមាសភាពក៏ដោយ ក៏យើងនៅមានសមាជិក សមាជិកាសកម្មក្នុងចលនាជួយបំផុសគំនិត និងការផ្តួចផ្តើមឲ្យមានដំណើរការល្អ។ ចំពោះអនុសាខា បើទោះបីការអនុវត្តទៅមានភាពខុសគ្នា មានចំណុចខ្លាំង និងចំណុចខ្សោយ ក៏ត្រូវតែបន្តខិតខំប្រឹងប្រែងយកអស់ស្មារតីទទួលខុសត្រូវក្នុងការដោះស្រាយគ្រោះមហន្តរាយជូនប្រជាពលរដ្ឋដែលរងគ្រោះឲ្យបានទាន់ពេលវេលា៕

ដំណើរការសន្និបាតបូកសរុបលទ្ធផលការងារប្រចាំឆ្នាំ២០១៧ និងលើកទិសដៅការងារសម្រាប់អនុវត្តឆ្នាំ២០១៨ របស់រដ្ឋបាលខេត្តស្វាយរៀង

អស់រយៈពេលពេញមួយព្រឹកថ្ងៃពុធ ៩រោច ខែបុស្ស ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១០ ខែមករា ឆ្នាំ២០១៨នេះ ដំណើរការសន្និបាតបូកសរុបលទ្ធផលការងារប្រចាំឆ្នាំ២០១៧ និងលើកទិសដៅការងារសម្រាប់អនុវត្តឆ្នាំ២០១៨ របស់រដ្ឋបាលខេត្តស្វាយរៀង បានប្រព្រឹត្តទៅដោយរលូន និងទទួលបានលទ្ធផលល្អប្រសើរតាមការគ្រោងទុក និងត្រូវបានប្រារព្ធពិធីបិទនារសៀលថ្ងៃដដែលនេះ នៅសាលប្រជុំធំសាលាខេត្ត ក្រោមអធិបតីភាពឯកឧត្ដម ប៉ាវ ហមផាន រដ្ឋលេខាធិការក្រសួងមហាផ្ទៃ តំណាងដ៏ខ្ពង់ខ្ពស់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ និងមានការអញ្ជើញចូលរួមពីសំណាក់ឯកឧត្ដម លោក លោកស្រីគណៈប្រតិភូក្រសួងមហាផ្ទៃ ថ្នាក់ដឹកនាំខេត្ត ក្រុង ស្រុក ឃុំ សង្កាត់ ប្រធានមន្ទីរ-អង្គភាព កងកម្លាំងប្រដាប់អាវុធទាំងបី និងមន្ត្រីរាជការសាលាខេត្តស្វាយរៀងទាំងអស់ ។

មានប្រសាសន៍ស្វាគមន៍ក្នុងឱកាសនោះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានជម្រាបជូនអំពីលទ្ធផល និងដំណើរការនៃអង្គសន្និបាត ព្រមទាំងសមិទ្ធផលសំខាន់ៗមួយចំនួនទាំងផ្នែកពុទ្ធចក្រ និងអាណាចក្រ ដែលរដ្ឋបាលខេត្ត ក្រុង ស្រុក ឃុំ សង្កាត់ មន្ទីរ-អង្គភាព មន្ត្រីរាជការ កងកម្លាំងប្រដាប់អាវុធទាំងអស់នៅក្នុងខេត្ត និងក្រុមការងារថ្នាក់ជាតិចុះមូលដ្ឋាននៅខេត្តស្វាយរៀង រួមគ្នាសម្រេចបានក្នុងឆ្នាំ២០១៧កន្លងមកនេះ ជាពិសេសលើការងារថែរក្សាសន្ដិសុខ សុវត្ថិភាព និងសណ្ដាប់សាធារណៈ ការងារបង្កបង្កើនផល ការវិនិយោគឯកជន ការកែលម្អសោភ័ណភាពក្នុងក្រុង ហេដ្ឋារចនាសម្ព័ន្ធរូបវ័ន្តទាំងក្នុងបរិវេណសាលាខេត្ត និងនៅតាមបណ្ដាមូលដ្ឋានក្រុង ស្រុក ដូចជា ផ្លូវ ភ្លើងស្ដុប សួនច្បារសាធារណៈ លូទឹក ប្រឡាយទឹក ស្រះទឹក អណ្ដូងទឹក អគារសិក្សា អគារប៉ុស្ដិ៍រដ្ឋបាល ពុទ្ធិកបឋមសិក្សា មណ្ឌលសុខភាព ឧបដ្ឋានសាលា ព្រះវិហារ កុដិ ស្ពាន ជាដើម ។

ក្នុងឱកាសនេះដែរ ឯកឧត្ដមរដ្ឋលេខាធិការ បានថ្លែងនូវការកោតសរសើរចំពោះរដ្ឋបាលខេត្ត ក្រុង ស្រុក កងកម្លាំងប្រដាប់អាវុធគ្រប់ប្រភេទ មន្ទីរ-អង្គភាព និងមន្រី្តរាជការគ្រប់លំដាប់ថ្នាក់នៅខេត្តស្វាយរៀង ដែលបានខិតខំបំពេញការងារប្រកបដោយការសហការ ធ្វើឲ្យខេត្តស្វាយរៀងអាចសម្រេចបានសមិទ្ធផលធំៗជាច្រើន និងអាចដោះស្រាយសំណូមពរ បញ្ហាប្រឈមនានារបស់ប្រជាពលរដ្ឋ ប្រកបដោយជោគជ័យ នៅក្នុងរយៈពេល ១ឆ្នាំ ២០១៧ កន្លងមកនេះ ព្រមទាំងបានដាក់ចេញនូវទិសដៅការងារមួយចំនួន ដែលជាចលករជំរុញការអនុវត្តកម្មវិធីនយោបាយ និងយុទ្ធសាស្រ្តចតុកោណ ដំណាក់កាលទី៣ របស់រាជរដ្ឋាភិបាលកម្ពុជា ដើម្បីកំណើន ការងារ សមធម៌ និងប្រសិទ្ធភាព ឈានទៅសម្រេចបាននូវការលើកកម្ពស់គុណភាពជីវិត និងការរស់នៅរបស់ប្រជាពលរដ្ឋប្រកបដោយភាពសុខដុមរមនា និងការកាត់បន្ថយភាពក្រីក្ររបស់ប្រជាពលរដ្ឋឲ្យបានជាអតិបរមា ៕

ពិធីបើកសន្និបាតបូកសរុបលទ្ធផលការងារប្រចាំឆ្នាំ២០១៧ និងលើកទិសដៅការងារសម្រាប់អនុវត្តឆ្នាំ២០១៨ របស់រដ្ឋបាលខេត្ត

នាព្រឹកថ្ងៃពុធ ៩រោច ខែបុស្ស ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១០ ខែមករា ឆ្នាំ២០១៨នេះ រដ្ឋបាលខេត្តស្វាយរៀង បានរៀបចំពិធីបើកសន្និបាតបូកសរុបលទ្ធផលការងារប្រចាំឆ្នាំ២០១៧ និងលើកទិសដៅការងារសម្រាប់អនុវត្តឆ្នាំ២០១៨ របស់រដ្ឋបាលខេត្ត ក្រោមអធិបតីភាពឯកឧត្ដមបណ្ឌិត គឹម ធា ប្រធានក្រុមប្រឹក្សាខេត្ត និងឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង និងមានការអញ្ជើញចូលរួមពីសំណាក់ឯកឧត្ដម លោកជំទាវសមាជិកក្រុមប្រឹក្សាខេត្ត អភិបាលរងខេត្ត តំណាងក្រសួងមហាផ្ទៃ លោក លោកស្រីនាយក នាយករងរដ្ឋបាលសាលាខេ...

បន្តអាន
 

សិក្ខាសាលាផ្សព្វផ្សាយ ស្តីពីវគ្គបណ្តុះបណ្តាលពិសេសថ្នាក់បរិញ្ញាបត្រជាន់ខ្ពស់ ជំនាញអភិវឌ្ឍន៍ជនបទ និងជំនាញសុខភាពសហគមន៍ ដែលសហការរៀបចំដោយសាកលវិទ្យាល័យអន្តរជាតិ និងស្ថានីយ៍ទូរទស្សន៍នាគព័ន្ធ

នារសៀលថ្ងៃអង្គារ ៨រោច ខែបុស្ស ឆ្នាំរកា នព្វស័ក ព.ស ២៥៦១ ត្រូវថ្ងៃទី០៩ ខែមករា ឆ្នាំ២០១៨នេះ ឯកឧត្តមបណ្ឌិត គឹម ធា ប្រធានក្រុមប្រឹក្សាខេត្ត និងឯកឧត្តម ហែម ពិសិដ្ឋ អភិបាលរង នៃគណៈអភិបាលខេត្ត តំណាងឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញជាគណៈអធិបតីក្នុងអង្គសិក្ខាសាលាផ្សព្វផ្សាយ ស្តីពីវគ្គបណ្តុះបណ្តាលពិសេសថ្នាក់បរិញ្ញាបត្រជាន់ខ្ពស់ ជំនាញអភិវឌ្ឍន៍ជនបទ និងជំនាញសុខភាពសហគមន៍ ដែលសហការរៀបចំដោយសាកលវិទ្យាល័យអន្តរជាតិ និងស្ថានីយ៍ទូរទស្សន៍នាគព័ន្ធ នៅសាលប្រជុំសាកលវិទ្យាល័យស្វាយរៀង ។

សិក្ខាសាលានេះមានការអញ្ជើញចូលរួមពីលោកសាកលវិទ្យាធិការរងសាកលវិទ្យាល័យស្វាយរៀង លោកស្រីប្រធានមន្ទីរ-អង្គភាពនានាក្នុងខេត្ត តំណាងអាជ្ញាធរក្រុង ស្រុក ថ្នាក់ដឹកនាំ និងបុគ្គលិក នៃសាកលវិទ្យាល័យអន្តរជាតិ និងស្ថានីយ៍ទូរទស្សន៍នាគព័ន្ធ មន្ត្រីរាជការ និស្សិត ព្រមទាំងអ្នកពាក់ព័ន្ធមួយចំនួន ៕

ព័ត៌មានថ្មីៗ

យុទ្ធសាស្ត្រចតុកោណ(ដ៣)

ចំនួនអ្នកទស្សនា

ថ្ងៃនេះ 2

ម្សិលមិញ 10

សប្តាហ៍ 2

ខែ 187

សរុប 6918