ប្រព័ន្ធស្ថិតិអត្រានុកូលដ្ឋាន

បណ្ណាល័យ គ.ជ.អ.ប

បញ្ចប់ពិធីសំណេះសំណាល និងជូនដំណើរកីឡាករ កីឡាការិនី ទៅចូលរួមប្រកួតកីឡាជាតិលើកទី២រួច នាព្រឹកថ្ងៃដដែលនេះ នៅបន្ទប់ VIP សាលាខេត្ត ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានទទួលជួបលោក YUSUKE OKUMURA នាយកក្រុមហ៊ុន GOMI RECYCLE 110 CO.,LTD (ប្រទេសជប៉ុន

បន្ទាប់ពីបញ្ចប់ពិធីសំណេះសំណាល និងជូនដំណើរកីឡាករ កីឡាការិនី ទៅចូលរួមប្រកួតកីឡាជាតិលើកទី២រួច នាព្រឹកថ្ងៃដដែលនេះ នៅបន្ទប់ VIP សាលាខេត្ត ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានទទួលជួបលោក YUSUKE OKUMURA នាយកក្រុមហ៊ុន GOMI RECYCLE 110 CO.,LTD (ប្រទេសជប៉ុន) តំណាងអង្គការ JICA និងសហការី ដើម្បីពិភាក្សាការងារពាក់ព័ន្ធនឹងគម្រោងវិនិយោគដំឡើងរោងចក្រកែច្នៃសំរាមក្នុងខេត្តស្វាយរៀង ។ ក្នុងជំនួបនេះក៏មានការអញ្ជើញចូលរួមពីឯកឧត្ដមអភិបាលរងខេត្ត លោកប្រធានអង្គភាពអគ្គិសនីស្វាយរៀង និងមន្ត្រីជំនាញពាក់ព័ន្ធមួយចំនួន ។

ក្នុងឱកាសនោះ លោក YUSUKE OKUMURA នាយកក្រុមហ៊ុន GOMI RECYCLE 110 CO.,LTD បានជម្រាបជូនពីវឌ្ឍនភាពនៃការអនុវត្តគម្រោងនេះ ដែលរហូតមកដល់បច្ចុប្បន្នបាននិងកំពុងត្រៀមដំឡើង និងសាងសង់រោងចក្រនៅទីតាំងដែលក្រុមហ៊ុន និងរដ្ឋបាលខេត្តបានជ្រើសរើសរួចមកហើយនោះ ។ ជាមួយនេះ លោកក៏បានថ្លែងអំណរគុណយ៉ាងជ្រាលជ្រៅចំពោះឯកឧត្ដមអភិបាលខេត្ត ដែលតែងតែគាំទ្រ និងសហការជាមួយក្រុមហ៊ុន ហើយព្រោះតែកិច្ចសហការគាំទ្រយ៉ាងល្អប្រសើរនេះ ទើបក្រុមហ៊ុនរបស់លោកឈានមកដល់សម្រេចលទ្ធផលគួរជាទីមោទនៈបែបនេះ និងសូមសំណូមពរដល់ឯកឧត្ដមអភិបាលខេត្ត បន្តជួយសហការដើម្បីអនុវត្តកិច្ចការដែលនៅសេសសល់ឲ្យសម្រេចបានលទ្ធផល ១០០% នាពេលខាងមុខ ។

មានប្រសាសន៍នៅក្នុងឱកាសនោះ ឯកឧត្ដមអភិបាលខេត្ត សារជាថ្មីម្ដងទៀត បានថ្លែងអំណរគុណចំពោះក្រុមហ៊ុនដែលបានជ្រើសរើសការវិនិយោគនៅក្នុងខេត្តស្វាយរៀង និងសម្ដែងនូវការគាំទ្រចំពោះគម្រោងនេះ ហើយរយៈពេលជាង១ឆ្នាំកន្លងមក ចាប់តាំងពីបានជួបពិភាក្សាជាមួយក្រុមហ៊ុនលើកទី១ កាលពីថ្ងៃទី២១ ខែកក្កដា ឆ្នាំ២០១៦ រហូតមកដល់ពេលបច្ចុប្បន្ននេះ គឺខេត្តសហការសម្របសម្រួលជានិច្ច ហើយនៅតែបន្តគាំទ្រ សហការតទៅមុខទៀត ដើម្បីឲ្យគម្រោងនេះសម្រេចបានលទ្ធផលជោគជ័យជាស្ថាពរ ព្រោះថាការបង្កើតរោងចក្រកែច្នៃសំរាមទៅជាផលិតផលសម្ភារសំណង់ និងគ្រឿងសង្ហារិមនេះ មិនត្រឹមតែបានផ្ដល់ការងារធ្វើបន្ថែមជូនប្រជាពលរដ្ឋខេត្តស្វាយរៀង ប៉ុណ្ណោះទេ ប៉ុន្តែក៏ចូលរួមលើកកម្ពស់អនាម័យបរិស្ថាន និងសោភ័ណទីក្រុង ផងដែរ ៕

នាព្រឹកថ្ងៃអង្គារ ០៨កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី២២ ខែឧសភា ឆ្នាំ២០១៨នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញជួបសំណេះសំណាល និងជូនដំណើរប្រតិភូកីឡា គ្រូបង្វឹក និងកីឡាករ កីឡាការិនីតំណាងខេត្តស្វាយរៀង ចូលរួមប្រកួ

នាព្រឹកថ្ងៃអង្គារ ០៨កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី២២ ខែឧសភា ឆ្នាំ២០១៨នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញជួបសំណេះសំណាល និងជូនដំណើរប្រតិភូកីឡា គ្រូបង្វឹក និងកីឡាករ កីឡាការិនីតំណាងខេត្តស្វាយរៀង ចូលរួមប្រកួតកីឡាជាតិលើកទី២ ដែលប្រព្រឹត្តទៅចាប់ពីថ្ងៃទី២៤ ខែឧសភា ដល់ថ្ងៃទី០៤ ខែមិថុនា ឆ្នាំ២០១៨ នៅរាជធានីភ្នំពេញ ខេត្តកំពង់ធំ ខេត្តកំពត និងខេត្តកែប ។ ពិធីនេះរៀបចំនៅសាលប្រជុំមន្ទីរអប់រំ យុវជន និងកីឡាខេត្ត ដោយមានការអញ្ជើញចូលរួមពីលោកប្រធានមន្ទីរ-អង្គភាពនានាក្នុងខេត្ត តំណាងកងកម្លាំងទាំងបី មន្ត្រីរាជការមន្ទីរអប់រំ យុវជន និងកីឡាខេត្ត ព្រមទាំងប្រតិភូកីឡា គ្រូបង្វឹក និងកីឡាករ កីឡាការិនីទាំង ១៨៤នាក់ ។

មានប្រសាសន៍ក្នុងឱកាសនោះ ឯកឧត្ដមអភិបាលខេត្ត បានសម្ដែងនូវការអបអរសាទរចំពោះកីឡាករ កីឡាការិនី ទាំងអស់ ដោយត្រូវបានជ្រើសរើសជាតំណាងឲ្យខេត្តស្វាយរៀង ចូលរួមក្នុងព្រឹត្តិការណ៍កីឡាកំពូលរបស់ជាតិ នៅឆ្នាំនេះ ដែលជាភារកិច្ចដ៏មានសារៈសំខាន់ ប្រកបដោយមោទនភាព ក្នុងនាមតំណាងឲ្យខេត្ត ត្រូវបំពេញដើម្បីមុខមាត់ និងកិត្តិយសផ្ទាល់ខ្លួនឯងផង អង្គភាពផង និងខេត្តទាំងមូលផង ។ ជាមួយនេះ ឯកឧត្ដមអភិបាលខេត្ត ក៏បានសម្ដែងនូវការសម្ដែងនូវការកោតសរសើរ និងវាយតម្លៃខ្ពស់ចំពោះប្រតិភូដឹកនាំកីឡា ក្មួយៗកីឡាករ កីឡាការិនី ព្រមទាំងថ្នាក់ដឹកនាំនៃមន្ទីរអប់រំ យុវជន និងកីឡាខេត្ត ដែលបានចូលរួមចំណែកក្នុងការអភិវឌ្ឍវិស័យកីឡាក្នុងខេត្ត បានល្អប្រសើរ និងមានការវិវឌ្ឍន៍រីកចម្រើនទាំងបរិមាណ និងសមត្ថភាព ហើយដណ្ដើមបាននូវកិត្តិយស និងជោគជ័យជាបន្តបន្ទាប់ ស្ទើរលើគ្រប់ប្រភេទកីឡា សម្រាប់ខេត្តស្វាយរៀង នាពេលកន្លងមក ជាពិសេស ចំពោះកិច្ចខិតខំប្រឹងប្រែង និងការយកចិត្តទុកដាក់ ក្នុងការជ្រើសរើស និងរៀបចំចម្រាញ់នូវក្រុមកីឡា ដែលនៅឆ្នាំនេះ កើនឡើងជាងលើកទី១ ដែលមានរហូតដល់ ១២ប្រភេទកីឡា សម្រាប់ចូលរួមប្រកួតប្រជែងក្នុងព្រឹត្តិការណ៍កីឡាជាតិលើកទី២ ។

ដើម្បីជាការលើកទឹកចិត្តបន្ថែមពីលើការឧបត្ថម្ភរបស់ក្រសួងអប់រំ យុវជន និងកីឡា និងមន្ទីរអប់រំ យុវជន និងកីឡាខេត្ត ឯកឧត្ដមអភិបាលខេត្ត បានឧបត្ថម្ភប្រតិភូកីឡា គ្រូបង្វឹក និងកីឡាករ កីឡាការិនីដែលចូលរួមក្នុងពិធីសំណេះសំណាលនៅថ្ងៃនេះ ទាំង ១៨៤រូប ក្នុងម្នាក់ៗទទួលបានថវិកា ៨ម៉ឺនរៀល ព្រមទាំងត្រៀមផ្ដល់ជូននូវប្រាក់រង្វាន់លើកទឹកចិត្តបន្ថែមទៀតសម្រាប់កីឡាករ កីឡាការិនីដែលនឹងទទួលបានមេដាយមាស មេដាយប្រាក់ និងមេដាយសំរឹទ្ធិ ដូចទៅនឹងប្រាក់រង្វាន់របស់រាជរដ្ឋាភិបាលផងដែរ ។

ជាចុងបញ្ចប់ ឯកឧត្ដមអភិបាលខេត្ត បានផ្ដាំផ្ញើដល់កីឡាករ កីឡាការិនីទាំងអស់ ត្រូវមានសាមគ្គីភាពគ្នាឲ្យបានល្អ គោរពវិន័យទាំងការប្រកួត និងការស្នាក់នៅ ប្រកាន់ឲ្យបានខ្ជាប់ខ្ជួននូវអនាម័យ ហូបស្អាត ផឹកស្អាត រស់នៅស្អាត និងថែរក្សាសុខភាពឲ្យបានល្អ កុំសេពគ្រឿងស្រវឹង ចៀសឲ្យឆ្ងាយពីគ្រឿងញៀន និងខិតខំប្រឹងប្រែងហ្វឹកហាត់ យកអស់ពីសមត្ថភាពដើម្បីទទួលបានលទ្ធផលល្អក្នុងការប្រកួត ជាពិសេសដណ្ដើមមេដាយឲ្យបានច្រើនជាអតិបរមា ។ ដោយឡែកចំពោះសំណូមពររបស់មន្ទីរអប់រំ យុវជន និងកីឡាខេត្ត ឯកឧត្ដមអភិបាលខេត្ត ទទួលយក និងពិនិត្យរៀបចំយន្តការមួយចំនួន ដើម្បីជួយឧបត្ថ្ភម្ភគាំទ្រចំពោះចំណុចខ្វះខាតនៅក្នុងវិស័យកីឡាក្នុងខេត្ត ធ្វើយ៉ាងឲ្យកាន់តែមានការរីកចម្រើនថែមទៀត ។

សូមបញ្ជាក់ថា នៅឆ្នាំនេះ ខេត្តស្វាយរៀងបានបញ្ជូនកីឡាទៅចូលរួមប្រកួតកីឡាជាតិលើកទី២ ឆ្នាំ២០១៨ ចំនួន ១២ប្រភេទកីឡា រួមមាន ១-បាល់ទាត់បុរស ២-បាល់ទាត់នារី ៣-បាល់ទះបុរស ៤-បាល់ទាត់នារី ៥-បាល់បោះបុរស ៦-បាល់បោះនារី ៧-វាយសី(បុរស-នារី) ៨-ប៉េតង់(បុរស-នារី) ៩-អត្តពលកម្ម(បុរស-នារី) ១០-តេក្វាន់ដូ(បុរស-នារី) ១១-វ៉ូវីណាម(បុរស-នារី) និង ១២-គុនខ្មែរ៕

នាព្រឹកថ្ងៃចន្ទ ០៧កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី២១ ខែឧសភា ឆ្នាំ២០១៨នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តស្វាយរៀង និងលោកជំទាវ និងឯកឧត្ដម ជុំ ហាត ប្រធានក្រុមប្រឹក្សាខេត្ត

នាព្រឹកថ្ងៃចន្ទ ០៧កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី២១ ខែឧសភា ឆ្នាំ២០១៨នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តស្វាយរៀង និងលោកជំទាវ និងឯកឧត្ដម ជុំ ហាត ប្រធានក្រុមប្រឹក្សាខេត្តស្ដីទី បានអញ្ជើញចូលរួមក្នុងពិធីអបអរសាទរខួបលើកទី១៥៥ ទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា ក្រោមប្រធានបទ "កាកបាទក្រហមកម្ពុជាមានគ្រប់ទីកន្លែង សម្រាប់គ្រប់ៗគ្នា-មិនទុកនរណាម្នាក់ចោល" ក្រោមអធិបតីភាពលោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច និងជាប្រធានក្រុមការងារថ្នាក់ជាតិចុះមូលដ្ឋាននៅខេត្តស្វាយរៀង

ពិធីនេះក៏មានការអញ្ជើញចូលរួមពីសំណាក់ឯកឧត្ដម លោកជំទាវសមាជិកព្រឹទ្ធសភា សមាជិករដ្ឋសភា សមាជិករាជរដ្ឋាភិបាល ឯកឧត្ដមនាយឧត្ដមឧត្ដមសេនីយ៍មេបញ្ជាការកងរាជអាវុធលើផ្ទៃប្រទេស ឯកឧត្ដម លោកជំទាវក្រុមការងារថ្នាក់ជាតិចុះមូលនៅខេត្តស្វាយរៀង សមាជិកក្រុមប្រឹក្សាខេត្ត អភិបាលរងខេត្ត សមាជិក សមាជិកាសាខាកាកបាទក្រហមកម្ពុជាខេត្ត ក្រុង ស្រុក មេបញ្ជាការកងកម្លាំងប្រដាប់អាវុធទាំងបី ប្រធានមន្ទីរ-អង្គភាពនានាក្នុងខេត្ត អភិបាលក្រុង ស្រុក វិស័យឯកជន សប្បុរសជន យុវជនកាកបាទក្រហម កាយរិទ្ធ និងយុវជនសហភាពសហព័ន្ធយុវជនកម្ពុជាខេត្ត ប្រមាណ ៤៥០នាក់ នៅសាលប្រជុំធំសាលាខេត្តស្វាយរៀង ។

បន្ទាប់ពីលោក សរ វណ្ណា នាយកសាខាកាកបាទក្រហមកម្ពុជាខេត្ត អានរបាយការណ៍វឌ្ឍនភាពរបស់សាខាក្នុងបេសកកម្មមនុស្សធម៌ និងសេចក្ដីថ្លែងការណ៍របស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលអានដោយឯកឧត្ដម ម៉ែន វិបុល អភិបាល នៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តស្វាយរៀង លោកជំទាវកិត្តិសង្គហបណ្ឌិត បានមានប្រសាសន៍ថ្លែងអំណរគុណជូនសម្តេចកិត្តិព្រឹទ្ធបណ្ឌិត ប៊ុន រ៉ា នី ហ៊ុន សែន ប្រធានកាកបាទក្រហមកម្ពុជា ថ្នាក់ដឹកនាំគ្រប់លំដាប់ថ្នាក់ បុគ្គលិក បណ្តាញ អ្នកស័្មគ្រចិត្ត និង ក្រុមយុវជនស័្មគ្រចិត្ត នៃកាកបាទក្រហម កម្ពុជា ព្រមទាំង សប្បុរសជនជាតិ អន្តរជាតិទាំងអស់ ដែលបានផ្តល់ការគាំទ្រដ៏មុតមាំចូលរួមវិភាគទានសម្រាប់ទ្រទ្រង់សកម្មភាពរបស់សាខាកាកបាទក្រហមកម្ពុជាខេត្តស្វាយរៀង ក្នុងពិធីនៅថ្ងៃនេះ ដែលថវិកាទទួលបានសរុបប្រមាណជាង ៥០ម៉ឺនដុល្លារ ។ ទាំងនេះជាស្មារតីចូលរួមចំណែកចែករំលែក ការបរិច្ចាគនូវធនធានផ្ទាល់ខ្លួន ជួយគ្នាក្នុងគ្រាលំបាក និងការអាណិតអាសូរ ដែលជាមរតកធ្លាប់បានអនុវត្តអស់រយៈពេលជាច្រើនសតវត្សរ៍មកហើយ ដោយបុព្វបុរសរបស់យើងហើយស្មារតីនេះ បានរក្សា និងរីកដុះដាល នៅក្នុងចិត្ត គំនិតរបស់ប្រជាជនយើងនៅគ្រប់ជំនាន់ ។ ជាមួយនេះ លោកជំទាវកិត្តិសង្គហបណ្ឌិតក៏បានរំលឹកពីទស្សនៈវិស័យ បេសកកម្ម ទិសដៅយុទ្ធសាស្ត្រស្របគ្នារបស់កាកបាទក្រហមកម្ពុជា និងយុទ្ធសាស្ត្ររបស់រាជរដ្ឋាភិបាលកម្ពុជាដែល មានសម្ដេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី ក្នុងការជួយដោះស្រាយទុក្ខលំបាករបស់ប្រជាពលរដ្ឋគ្រប់រូប នៅគ្រប់ទីកន្លែង និងគ្រប់កាលៈទេសៈ ។

ក្នុងឱកាសនេះ ដើម្បីចូលរួមចំណែកក្នុងការលើកកម្ពស់គោលការណ៍គ្រឹះ និងតម្លៃមនុស្សធម៌របស់ចលនាកាកបាទក្រហមកម្ពុជា ឯកឧត្ដម ម៉ែន វិបុល អភិបាលខេត្តស្វាយរៀង និងលោកជំទាវ និងឯកឧត្ដម ជុំ ហាត ប្រធានក្រុមប្រឹក្សាខេត្តស្ដីទី ក៏បានឧបត្ថម្ភថវិកាមួយចំនួន ជូនពិធីដ៏មានសារៈសំខាន់នាថ្ងៃនេះផងដែរ ៕

នាព្រឹកថ្ងៃអាទិត្យ ០៦កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី២០ ខែឧសភា ឆ្នាំ២០១៨នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង និងឯកឧត្ដម ជុំ ហាត ប្រធានក្រុមប្រឹក្សាខេត្តស្ដីទី បានអញ្ជើញចូលរួមក្នុងពិធីប្រារព្ធ “ទិវាជាតិនៃការចងចាំ”

នាព្រឹកថ្ងៃអាទិត្យ ០៦កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី២០ ខែឧសភា ឆ្នាំ២០១៨នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង និងឯកឧត្ដម ជុំ ហាត ប្រធានក្រុមប្រឹក្សាខេត្តស្ដីទី បានអញ្ជើញចូលរួមក្នុងពិធីប្រារព្ធ “ទិវាជាតិនៃការចងចាំ” ថ្ងៃទី ២០ឧសភា ក្រោមអធិបតីភាពលោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច និងជាប្រធានក្រុមការងារថ្នាក់ជាតិចុះមូលដ្ឋាននៅខេត្តស្វាយរៀង និងមានការអញ្ជើញចូលរួមពីសំណាក់ឯកឧត្ដម លោកជំទាវ សមាជិកព្រឹទ្ធសភា សមាជិករដ្ឋសភា ឯកឧត្ដម លោកជំទាវសមាជិកក្រុមប្រឹក្សាខេត្ត អភិបាលរងខេត្ត កងកម្លាំងប្រដាប់អាវុធទាំងបី មន្រ្តីរាជការ លោកគ្រូ អ្នកគ្រូ សិស្សានុសិស្ស និស្សិត ព្រះសង្ឃ និងប្រជាពលរដ្ឋ សរុប ១.១៦៨អង្គ/នាក់ ។

ពិធីនេះប្រារព្ធនៅវិមានតម្កល់អដ្ឋិធាតុ ស្ថិតនៅភូមិតាណរ សង្កាត់ស្វាយតឿ ក្រុងស្វាយរៀង ខេត្តស្វាយរៀង ក្នុងគោលបំណ ដើម្បីរំលឹក និងគោរពវិញ្ញាណក្ខន្ធ និងធ្វើបុណ្យឧទ្ទិសកុសលដល់ជនរងគ្រោះដែលបានស្លាប់ជាង ៣លាននាក់នៅ ក្នុងរបបប្រល័យពូជសាសន៍ប៉ុលពតដ៏ឃោរឃៅ នាចន្លោះពីថ្ងៃ ទី១៧ មេសា ១៩៧៥ -ថ្ងៃទី០៦ មករា ១៩៧៩ ។

ក្នុងពិធីនោះ ក៏មានរាប់បាត្រព្រះសង្ឃ ចំនួន ៧៩អង្គ ដើម្បីឧទ្ទិសកុសលជូនដល់ប្រជាជនស្លូតត្រង់ និងអ្នកស្នេហាជាតិ ដែលរងគ្រោះបាត់បង់ជីវិត ក្នុងរបបប្រល័យពូជសាសន៍ ប៉ុល ពត ផងដែរ ៕

អត្ថបទ​ផ្សេងៗ​ទៀត...

  1. នាព្រឹកថ្ងៃសុក្រ ០៤កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី១៨ ខែឧសភា ឆ្នាំ២០១៨នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តស្វាយរៀង បានអញ្ជើញជួបសំណេះសំណាល និងថ្លែងអំណរគុណដល់កងកម្លាំងប្រដាប់អាវុធ
  2. នាព្រឹកថ្ងៃអាទិត្យ ១៤រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី១៣ ខែឧសភា ឆ្នាំ២០១៨នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញចូលរួមជាមួយឯកឧត្ដមឧត្ដមសេនីយ៍ឯកបណ្ឌិត ហ៊ុន ម៉ាណែត នាយរងសេនាធិការចម្រុះ នៃកងយោធពលខេមរភូមិន្ទ
  3. នៅថ្ងៃសៅរ៍ ១៣រោច ឆ្នាំច សំរឹទ្ធិស័ក ព.ស ២៥៦២ ត្រូវនិងថ្ងៃទី១២ ខែឧសភា ឆ្នាំ២០១៨នេះ ឯកឧត្តម ម៉ែន វិបុល អភិបាល នៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តស្វាយរៀង បានដឹកនាំក្រុមការងារសាខានាំយកអំណោយមនុស្សធម៌របស់សាខា
  4. នារសៀលថ្ងៃសុក្រ ១២រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី១១ ខែឧសភា ឆ្នាំ២០១៨នេះ នៅសាលប្រជុំសាលាខេត្ត មានរៀបចំកិច្ចប្រជុំផ្សព្វផ្សាយច្បាប់ស្ដីពីសមាគម និងអង្គការមិនមែនរដ្ឋាភិបាល ច្បាប់ស្ដីពីគណបក្សនយោបាយ និងលិខិតបទដ្ឋានគតិយុត្តពាក់ព័ន្ធនានា

ព័ត៌មានថ្មីៗ

យុទ្ធសាស្ត្រចតុកោណ(ដ៣)

ចំនួនអ្នកទស្សនា

ថ្ងៃនេះ 0

ម្សិលមិញ 36

សប្តាហ៍ 36

ខែ 123

សរុប 7346