ប្រព័ន្ធស្ថិតិអត្រានុកូលដ្ឋាន

បណ្ណាល័យ គ.ជ.អ.ប

ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង រួមនិងឯកឧត្ដមអភិបាលរងខេត្ត មន្ទីរ-អង្គភាពជំនាញ និងលោកអភិបាលក្រុងស្វាយរៀង បានអញ្ជើញចុះពិនិត្យទីតាំងស្ថាបនាច្រាំងទន្លេវ៉ៃគោផ្នែកខាងលិច (ទំនប់តាណេង)និងអញ្ជើញចុះពិនិត្យទីតាំងដែលគ្រោងនឹងរៀបចំប្រព័ន្ធលូបង្ហូរទឹ

នាព្រឹកថ្ងៃចន្ទ ១៤រោច ខែបុស្ស ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១៥ ខែមករា ឆ្នាំ២០១៨នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង រួមនិងឯកឧត្ដមអភិបាលរងខេត្ត មន្ទីរ-អង្គភាពជំនាញ និងលោកអភិបាលក្រុងស្វាយរៀង បានអញ្ជើញចុះពិនិត្យទីតាំងស្ថាបនាច្រាំងទន្លេវ៉ៃគោផ្នែកខាងលិច (ទំនប់តាណេង) និងដំណើរការដាក់លូបង្ហូរទឹកនៅចំណុចក្បែរទីលានកីឡាពហុជំនាញដែលកំពុងសាងសង់ ស្ថិតនៅសង្កាត់ស្វាយរៀង ក្រុងស្វាយរៀង ។ ជាមួយនេះឯកឧត្ដមអភិបាលខេត្ត ក៏បានអញ្ជើញចុះពិនិត្យទីតាំងដែលគ្រោងនឹងរៀបចំប្រព័ន្ធលូបង្ហូរទឹកចាប់ពីរបងវិទ្យាល័យស្វាយរៀងរហូតដល់ពន្ធនាគារខេត្តផងដែរ 

សូមបញ្ជាក់ថា នៅក្នុងឆ្នាំ២០១៨នេះ សមិទ្ធផលធំៗចំនួនពីរបន្ថែមទៀតនឹងលេចរូបរាងឡើងនៅចំកណ្ដាលក្រុងស្វាយរៀង រួមមានច្រាំងទន្លេវ៉ៃគោផ្នែកខាងលិច និងទីលានកីឡាពហុជំនាញ ស្ថិតក្នុងបរិវេណវិទ្យាល័យស្វាយរៀង ដែលសមិទ្ធផលធំៗទាំងពីរនេះ មិនត្រឹមតែចូលរួមចំណែកលើកកម្ពស់សោភណ្ឌភាពក្នុងក្រុងឲ្យកាន់តែមានភាពស្រស់បំព្រងប៉ុណ្ណោះទេ ប៉ុន្តែក៏នឹងចូលរួមចំណែកក្នុងការលើកកម្ពស់សុខមាលភាពសង្គម តាមរយៈការផ្ដល់នូវទីតាំងសមស្របសម្រាប់ជាទីកម្សាន្ត លំហែអារម្មណ៍ និងហាត់កីឡា របស់បងប្អូនប្រជាពលរដ្ឋ ជាពិសេសយុវជន យុវនារី

កិច្ចប្រជុំត្រៀមរៀបចំព្រះរាជពិធីច្រត់ព្រះនង្គ័ល ឆ្នាំ២០១៨ នៅខេត្តស្វាយរៀង ក្រោមអធិបតីភាពខ្ពង់ខ្ពស់សម្ដេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង និងជាប្រធានគណៈកម្មាធិការជាតិរៀបចំបុណ្យជាតិ-អន្តរជាតិ

នារសៀលថ្ងៃសុក្រ ១១រោច ខែបុស្ស ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១២ ខែមករា ឆ្នាំ២០១៨នេះ នៅសាលប្រជុំសាលាខេត្ត ឯកឧត្ដមបណ្ឌិត គឹម ធា ប្រធានក្រុមប្រឹក្សាខេត្ត និងឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញចូលរួមក្នុងកិច្ចប្រជុំត្រៀមរៀបចំព្រះរាជពិធីច្រត់ព្រះនង្គ័ល ឆ្នាំ២០១៨ នៅខេត្តស្វាយរៀង ក្រោមអធិបតីភាពខ្ពង់ខ្ពស់សម្ដេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង និងជាប្រធានគណៈកម្មាធិការជាតិរៀបចំបុណ្យជាតិ-អន្តរជាតិ ។

កិច្ចប្រជុំនេះ ក៏មានការអញ្ជើញចូលរួមពីសំណាក់ឯកឧត្ដម គុយ សុផល ទេសរដ្ឋមន្ត្រី ទទួលបន្ទុកកិច្ចការទូទៅអមក្រសួងព្រះបរមរាជវាំង ឯកឧត្ដម ឈា ហន រដ្ឋមន្ត្រីអមក្រសួងព្រះបរមរាជវាំង ឯកឧត្ដមរដ្ឋលេខាធិការ អនុរដ្ឋលេខាធិការ និងគណៈប្រតិភូអមដំណើរសម្ដេចចៅហ្វាវាំង ឯកឧត្ដម លោកជំទាវអភិបាលរងខេត្ត លោក លោកស្រីនាយក នាយករងរដ្ឋបាលសាលាខេត្ត លោកមេបញ្ជាការកងរាជអាវុធហត្ថខេត្ត លោកស្នងការរងនគរបាលខេត្ត លោកមេបញ្ជាការរងតំបន់ប្រតិបត្តិការសឹករងស្វាយរៀង លោក លោកស្រីប្រធានមន្ទីរ-អង្គភាពនានាជុំវិញខេត្ត លោកអភិបាលក្រុង ស្រុកទាំង៨ លោក លោកស្រី នាយកទីចាត់ ប្រធានអង្គភាពលទ្ធកម្មរដ្ឋបាលខេត្ត និងតំណាងសភាពាណិជ្ជកម្មខេត្ត ។

បន្ទាប់ពីបញ្ចប់កិច្ចប្រជុំនេះ សម្ដេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង និងជាប្រធានគណៈកម្មាធិការជាតិរៀបចំបុណ្យជាតិ-អន្តរជាតិ និងគណៈប្រតិភូ ព្រមទាំងថ្នាក់ដឹកនាំខេត្ត ក៏បានអញ្ជើញចុះទៅពិនិត្យទីតាំងសម្រាប់ត្រៀមរៀបចំព្រះរាជពិធីច្រត់ព្រះនង្គ័ល ឆ្នាំ២០១៨ នៅបរិវេណវិទ្យាល័យស្វាយរៀង ភូមិស្រះវង់ សង្កាត់ស្វាយរៀង ក្រុងស្វាយរៀង ផងដែរ ៕

កិច្ចប្រជុំស្ដីពីការពិនិត្យ និងផ្ដល់យោបល់របស់គណៈអភិបាលខេត្ត និងគណៈកម្មាថិការសម្របសម្រួលបច្ចេកទេសក្រុមប្រឹក្សាខេត្ត ទៅលើកម្មវិធីវិនិយោគបីឆ្នាំរំកិល ២០១៨-២០២០ របស់រដ្ឋបាលខេត្ត

នាព្រឹកថ្ងៃព្រហស្បតិ៍ ១០រោច ខែបុស្ស ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១១ ខែមករា ឆ្នាំ២០១៨នេះ នៅសាលប្រជុំសាលាខេត្តស្វាយរៀង មានរៀបចំកិច្ចប្រជុំស្ដីពីការពិនិត្យ និងផ្ដល់យោបល់របស់គណៈអភិបាលខេត្ត និងគណៈកម្មាថិការសម្របសម្រួលបច្ចេកទេសក្រុមប្រឹក្សាខេត្ត ទៅលើកម្មវិធីវិនិយោគបីឆ្នាំរំកិល ២០១៨-២០២០ របស់រដ្ឋបាលខេត្ត ក្រោមអធិបតីភាព ឯកឧត្ដម ហ៊ូ វតនៈ អភិបាលរង នៃគណៈអភិបាល តំណាងឯកឧត្ដម ម៉ែន វិបុល អភិបាល នៃគណៈអភិបាលខេត្ត និងជាប្រធានគណៈកម្មាធិការសម្របសម្រួលបច្ចេកទេសក្រុមប្រឹក្សាខេត្តស្វាយរៀង ។

នៅក្នុងកិច្ចប្រជុំនេះ មានការអញ្ជើញចូលរួមពីសំណាក់ឯកឧត្ដម លោកជំទាវសមាជិកក្រុមប្រឹក្សាខេត្ត លោកនាយករដ្ឋបាលសាលាខេត្ត លោកប្រធានមន្ទីរផែនការខេត្ត លោក លោកស្រីតំណាងមន្ទីរ-អង្គភាពពាក់ព័ន្ធ លោក លោកស្រី តំណាងរដ្ឋបាលក្រុង ស្រុកទាំង៨ និងមន្ត្រីពាក់ព័ន្ធសរុប ចំនួន ៤២នាក់ ។

កិច្ចប្រជុំនៅថ្ងៃនេះ រៀបចំឡើងក្នុងគោលបំណងពិនិត្យ និងផ្ដល់យោបល់លើសេចក្ដីព្រាងកម្មវិធីវិនិយោគបីឆ្នាំរំកិល ២០១៨-២០២០ របស់រដ្ឋបាលខេត្ត ពីបណ្ដាមន្ទីរ-អង្គភាពពាក់ព័ន្ធ និងរដ្ឋបាលក្រុង ស្រុក ទាំងទៅលើផ្នែកអក្ខរាវិរុទ្ធ អត្ថន័យ និងខ្លឹមសាររួមនៃសេចក្ដីព្រាងនេះ មុននឹងដាក់ជូនក្រុមប្រឹក្សាខេត្តពិនិត្យ និងអនុម័ត ៕

កិច្ចប្រជុំបូកសរុបលទ្ធផលការងារប្រចាំឆ្នាំ២០១៧ និងលើកទិសដៅសម្រាប់អនុវត្តបន្តឆ្នាំ២០១៨

នាព្រឹកថ្ងៃព្រហស្បតិ៍ ១០រោច ខែបុស្ស ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១១ ខែមករា ឆ្នាំ២០១៨នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តស្វាយរៀង បានអញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារប្រចាំឆ្នាំ២០១៧ និងលើកទិសដៅសម្រាប់អនុវត្តបន្តឆ្នាំ២០១៨ របស់គណៈកម្មាធិការសាខា
នៅទីស្នាក់ការសាខាកាកបាទក្រហមកម្ពុជាខេត្តស្វាយរៀង ។ ក្នុងកិច្ចប្រជុំនេះ មានការអញ្ជើញចូលរួមពីលោកជំទាវ លោក លោកស្រី សមាជិក សមាជិកា គណៈកម្មាធិការសាខា ក្រុមប្រតិបត្តិសាខា ព្រមទាំង លោក លោកស្រីជាប្រធាន អនុប្រធានគណៈកម្មាធិការអនុសាខា ក្រុង ស្រុក ទាំង៨ សរុបចំនួន ២៤នាក់ ។

ក្នុងឱកាសនោះ ឯកឧត្ដម ម៉ែន វិបុល បាន
ថ្លែងនូវការអរគុណចំពោះការចូលរួមរបស់ថ្នាក់ដឹកនាំ សមាជិក សមាជិកាគណៈកម្មាធិការសាខា និងអនុសាខានាពេលនេះ ដែលសរបញ្ជាក់ឲ្យឃើញនូវស្មារតី និងការទទួលខុសត្រូវ ចំពោះសកម្មភាពដែលបានអនុវត្តនាពេលកន្លងមក ស្របទៅនឹងយុទ្ធសាស្ត្រ ទស្សនៈវិស័យ និងបេសកកម្ម សកម្មភាពការងារ ក្នុងវិស័យ មនុស្សធម៌ រួមចំណែកកាត់បន្ថយភាពក្រីក្រ ជួយដល់ជនងាយរងគ្រោះ ។

មានប្រសាសន៍បូកសរុបកិច្ចប្រជុំ ឯកឧត្ដមប្រធានគណៈកម្មាធិការសាខា បានឯកភាពក្នុងការកែលម្អអគារទីស្នាក់ការសាខា និងអនុសាខា ព្រមទាំងបានសំណូមពរដល់អនុសាខាទាំង៨ ក្រុង ស្រុក ត្រូវពង្រឹងបន្ថែមលើការងាររដ្ឋបាល និងហិរញ្ញវត្ថុ ការងារស្វែងរកមូលនិធិ ត្រូវជួយកៀរគរបន្ថែម ដោយផ្តោតសំខាន់ទៅលើការរៀបចំ និងការប្រព្រឹត្តទៅនៃការងារស្នូលរបស់សាខា និងអនុសាខាទាំងអស់បានអនុវត្តតាមវិស័យស្នូលទាំង៤ ឲ្យមានដំណើរការល្អស្របតាមអាណត្តិនៃការងារ ទោះបីមានការខ្វះចន្លោះក្នុងការចូលរួមរបស់គណៈកម្មាធិការសាខា មិនបានគ្រប់សមាសភាពក៏ដោយ ក៏យើងនៅមានសមាជិក សមាជិកាសកម្មក្នុងចលនាជួយបំផុសគំនិត និងការផ្តួចផ្តើមឲ្យមានដំណើរការល្អ។ ចំពោះអនុសាខា បើទោះបីការអនុវត្តទៅមានភាពខុសគ្នា មានចំណុចខ្លាំង និងចំណុចខ្សោយ ក៏ត្រូវតែបន្តខិតខំប្រឹងប្រែងយកអស់ស្មារតីទទួលខុសត្រូវក្នុងការដោះស្រាយគ្រោះមហន្តរាយជូនប្រជាពលរដ្ឋដែលរងគ្រោះឲ្យបានទាន់ពេលវេលា៕

ព័ត៌មានថ្មីៗ

យុទ្ធសាស្ត្រចតុកោណ(ដ៣)

ចំនួនអ្នកទស្សនា

ថ្ងៃនេះ 5

ម្សិលមិញ 1

សប្តាហ៍ 11

ខែ 75

សរុប 7030