ប្រព័ន្ធស្ថិតិអត្រានុកូលដ្ឋាន

បណ្ណាល័យ គ.ជ.អ.ប

នាព្រឹកថ្ងៃសុក្រ ១២រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី១១ ខែឧសភា ឆ្នាំ២០១៨នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង រួមនិងឯកឧត្ដមអភិបាលរងខេត្ត បានអញ្ជើញចុះពិនិត្យមើលការចាប់ផ្ដើមដំណើរការទូរទស្សន៍ LED ខ្នាតធំ

នាព្រឹកថ្ងៃសុក្រ ១២រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី១១ ខែឧសភា ឆ្នាំ២០១៨នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង រួមនិងឯកឧត្ដមអភិបាលរងខេត្ត បានអញ្ជើញចុះពិនិត្យមើលការចាប់ផ្ដើមដំណើរការទូរទស្សន៍ LED ខ្នាតធំ នៅចំណុចក្បែរ
ជាប់នឹងរង្វង់មូលនាគព័ន្ធ ផ្លូវជាតិលេខ១ ស្ថិតក្នុងក្រុងស្វាយរៀង ដែលទើបតែដំឡើងរួចរាល់ កាលពីពេលថ្មីៗកន្លងទៅនេះ។

ទូរទស្សន៍ដែលបានផុសឡើងនៅចំកណ្ដាលក្រុងស្វាយរៀងនេះ គឺជាទូរទស្សន៍ LED ខ្នាតយក្សទីមួយដំបូងគេ ដែលកើតឡើងក្រោមការផ្ដួចផ្ដើម និងចាត់ចែងឲ្យមានការរៀបចំដោយឯកឧត្ដមអភិបាលខេត្ត ក្នុងគោលបំណងលើកកម្ពស់ និងបង្ហាញសម្រស់ក្រុងស្វាយរៀង សកម្មភាពថ្នាក់ដឹកនាំ សមិទ្ធផលក្នុងខេត្ត រួមនិងការផ្សាយសកម្មភាពផ្សេងៗទៀត ជូនដល់ប្រជាពលរដ្ឋ និងអ្នកដំណើរតាមផ្លូវជាតិលេខ១ ឆ្លងកាត់ក្រុងស្វាយរៀង រាប់ពាន់នាក់ និងអាចរហូតដល់រាប់ម៉ឺននាក់ក្នុង ១ថ្ងៃៗ ៕

 

 

 

 

នាព្រឹកថ្ងៃព្រហស្បតិ៍ ១១រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី១០ ខែឧសភា ឆ្នាំ២០១៨នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង និងឯកឧត្ដម ជុំ ហាត ប្រធានក្រុមប្រឹក្សាខេត្តស្ដីទី បានចូលរួមអមដំណើរសម្តេចអគ្គមហាសេនាបតីតេជោ ហ៊ុន សែន

នាព្រឹកថ្ងៃព្រហស្បតិ៍ ១១រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី១០ ខែឧសភា ឆ្នាំ២០១៨នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង និងឯកឧត្ដម ជុំ ហាត ប្រធានក្រុមប្រឹក្សាខេត្តស្ដីទី បានចូលរួមអមដំណើរសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជួបសំណេះសំណាលជាមួយកម្មករ កម្មការិនីសរុបចំនួន ១៩,៤៨៩ នាក់ មកពីតំបន់សេដ្ឋកិច្ចពិសេសចំនួនបី គឺតំបន់សេដ្ឋកិច្ចពិសេសតាយសេង តំបន់សេដ្ឋកិច្ចពិសេសនាគរាជ និងតំបន់សេដ្ឋកិច្ចពិសេសសាន់ដុងសាន់សែល និងរោងចក្រ សហគ្រាស ចំនួន៣២​ ដែលពិធីនេះធ្វើឡើងនៅបរិវេណតំបន់សេដ្ឋកិច្ចពិសេសអ៊ិនធើវៀ អូតូម៉ូបាល អ៊ិនដាសស្ទ្រី ខមផ្លេកស៍ នៅក្នុងក្រុងបាវិត ខេត្តស្វាយរៀង ។

ក្នុងពិធីនេះក៏មានការអញ្ជើញចូលរួមពីសំណាក់លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំទាក់ទំនងជាមួយរដ្ឋសភា ព្រឹទ្ធសភា និងអធិការកិច្ច ឯកឧត្ដម លោកជំទាវសមាជិកព្រឹទ្ធសភា រដ្ឋសភា ឯកឧត្ដម លោកជំទាវ ទេសរដ្ឋមន្ត្រី រដ្ឋមន្ត្រី រដ្ឋលេខាធិការ អនុរដ្ឋលេខាធិការ អគ្គមេបញ្ជាការ អគ្គមេបញ្ជារងកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស អគ្គស្នងការរងនគរបាលជាតិ ឯកឧត្ដម លោកជំទាវសមាជិកក្រុមការងារថ្នាក់ជាតិចុះមូលដ្ឋាននៅខេត្តស្វាយរៀង ក្រុមប្រឹក្សាខេត្ត អភិបាលរងខេត្ត មេបញ្ជាការកងកម្លាំងទាំងបី ប្រធានមន្ទី-អង្គភាព ប្រធានក្រុមប្រឹក្សា និងអភិបាលក្រុង ស្រុកទាំង៨ ព្រមទាំងប្រធានក្រុមហ៊ុន រោងចក្រ សហគ្រាសនានាដែលមានកម្មករ កម្មការិនីចូលរួមក្នុងពិធីសំណេះសំណាលនៅថ្ងៃនេះ ។

ក្នុងឱកាសនោះផងដែរ បន្ទាប់ពីមានមតិសំណេះសំណាលប្រកបដោយអត្ថន័យ និងខ្លឹមសារ ការចុះជួបសួរសុខទុក្ខ និងផ្តល់ថវិកាមួយចំនួនដោយផ្ទាល់ដៃដល់កម្មការិនីមានផ្ទៃពោះចំនួន ៧១៤នាក់ រួចមក សម្ដេចតេជោនាយករដ្ឋមន្ត្រី អមដំណើរដោយលោកជំទាវឧបនាយករដ្ឋមន្ត្រី ឯកឧត្ដម លោកជំទាវ ទេសរដ្ឋមន្ត្រី រដ្ឋមន្ត្រី រដ្ឋលេខាធិការ អនុរដ្ឋលេខាធិការ និងឯកឧត្ដមអភិបាលខេត្ត ក៏បានអញ្ជើញទស្សនកិច្ច និងពិនិត្យមើលសង្វាក់ផលិតកម្ម នៃរោងចក្រដំឡើងរថយន្តរបស់ក្រុមហ៊ុន Daehan Auto Cambodia ជាក្រុមហ៊ុនរបស់ប្រទេសកូរ៉េ ដែលស្ថិតក្នុងតំបន់សេដ្ឋកិច្ចពិសេសអ៊ិនធើវៀ អូតូម៉ូបាល អ៊ិនដាសស្ទ្រី ខមផ្លេកស៍ ។ រោងចក្រដំឡើងរថយន្តនេះ មានកម្មករសរុបចំនួន២៤៣ នាក់ ក្នុងនោះនារី មានចំនួន ៤៣នាក់ បច្ចុប្បន្នកំពុងធ្វើសកម្មភាពដំឡើងរថយន្តផ្ទាល់របស់ខ្លួនសម្រាប់ផ្គត់ផ្គង់តម្រូវការក្នុងស្រុក ដែលក្នុងនោះមានជារថយន្តប្រភេទដឹកកម្មករ ដឹកទំនិញ រថយន្តជាលក្ខណៈគ្រួសារ និងប្រភេទរថយន្តផ្សេងៗទៀត ៕

នាព្រឹកថ្ងៃពុធ ១០រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី០៩ ខែឧសភា ឆ្នាំ២០១៨ដដែលនេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង រួមនិងឯកឧត្ដមអភិបាលរងខេត្ត ក៏បានបន្តចូលរួមអមដំណើរសម្តេចអគ្គមហាសេនាបតីតេជោ ហ៊ុន សែន

វិទ្យាល័យចំណេះទូទៅ និងបច្ចេកទេសបាវិត និងសាលាបឋមសិក្សាបាវិត បានទទួលអំណោយដ៏ថ្លៃថ្លាពីសម្ដេចតេជោនូវអគារសិក្សា អគារទីចាត់ការ និងអគារស្នាក់នៅរបស់គ្រូ និងសិស្ស សរុប ០៦ខ្នង ស្មើនឹង ៨៦បន្ទប់ ព្រមទាំងហេដ្ឋារចនាសម្ព័ន្ធមួយចំនួននៅថ្ងៃនេះ

បន្ទាប់ពីបញ្ចប់ពិធីជួបសំណេះសំណាលជាមួយបងប្អូនកម្មករ កម្មការិនី នៅរោងចក្រ ក្នុងតំបន់សេដ្ឋកិច្ចពិសេសនានា រួចមក នាព្រឹកថ្ងៃពុធ ១០រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី០៩ ខែឧសភា ឆ្នាំ២០១៨ដដែលនេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង រួមនិងឯកឧត្ដមអភិបាលរងខេត្ត ក៏បានបន្តចូលរួមអមដំណើរសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជួបសួរសុខទុក្ខលោកគ្រូ អ្នកគ្រួ និងសិស្សានុសិស្ស នៅវិទ្យាល័យចំណេះទូទៅ និងបច្ចេកទេសបាវិត និងសាលាបឋមសិក្សាបាវិត ស្ថិតនៅភូមិបាវិតលើ សង្កាត់បាវិត ក្រុងបាវិត ។

ក្នុងឱកាសនោះ ដោយមើលឃើញពីការលំបាក និងការខ្វះខាតនូវអគារសិក្សាមួយចំនួនក្នុងសាលានេះ សម្តេចតេជោនាយករដ្ឋមន្ត្រី បានផ្តល់អំណោយជាអគារសិក្សា អគារទីចាត់ការ និងអគារស្នាក់នៅរបស់គ្រូ និងសិស្ស សរុប ០៦ខ្នង ស្មើនឹង ៨៦បន្ទប់ ក្នុងនោះ សាលាបឋមសិក្សាបាវិត ផ្តល់ជូននូវអគារសិក្សាថ្មី ១ខ្នង កម្ពស់ ៣ជាន់ ស្មើនឹង ៣០បន្ទប់ និងទីចាត់ការ ១ខ្នង ស្មើនឹង ៣បន្ទប់ និងវិទ្យាល័យចំណេះទូទៅ និងបច្ចេកទេសបាវិត ផ្តល់ជូនអគារសិក្សាថ្មី ១ខ្នង កម្ពស់ ៣ជាន់ ស្មើនឹង ៣០បន្ទប់ និងទីចាត់ការ ១ខ្នង ស្មើនឹង ៣បន្ទប់ ព្រមទាំងផ្តល់ជូននូវអគារស្នាក់នៅរបស់គ្រូ ១ខ្នង ២ជាន់ ស្មើនឹង ១០បន្ទប់ និងអគារស្នាក់នៅរបស់សិស្ស ១ខ្នង ២ជាន់ ស្មើនឹង ១០បន្ទប់ ហើយនិងឧបត្ថម្ភសម្រាប់ការរៀបចំជាតារាងបាល់ទាត់ បាល់បោះ និងរៀបចំទីធ្លាសាលាឲ្យបានស្អាតល្អផងដែរ ៕
រូបភាព និងតួលេខ៖ ពីហ្វេសប៊ុកសម្ដេចតេជោនាយករដ្ឋមន្ត្រី

 

នាព្រឹកថ្ងៃពុធ ១០រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី០៩ ខែឧសភា ឆ្នាំ២០១៨នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង និងឯកឧត្ដម ជុំ ហាត ប្រធានក្រុមប្រឹក្សាខេត្តស្ដីទី បានចូលរួមអមដំណើរសម្តេចអគ្គមហាសេនាបតីតេជោ ហ៊ុន សែន

នាព្រឹកថ្ងៃពុធ ១០រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី០៩ ខែឧសភា ឆ្នាំ២០១៨នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង និងឯកឧត្ដម ជុំ ហាត ប្រធានក្រុមប្រឹក្សាខេត្តស្ដីទី បានចូលរួមអមដំណើរសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជួបសំណេះសំណាលជាមួយកម្មករ កម្មការិនីសរុបចំនួន ២៨.៥៨៤នាក់ មកពីតំបន់សេដ្ឋកិច្ចពិសេសចំនួនពីរ គឺតំបន់សេដ្ឋកិច្ចពិសេសមេនហាតធេន និងតំបន់សេដ្ឋកិច្ចពិសេសអ៊ិនធើវៀ អូតូម៉ូបាល អ៊ិនដាសស្ទ្រី ខមផ្លេកស៍ និងរោងចក្រ សហគ្រាស ចំនួន២៦ នៅក្នុងក្រុងបាវិត ខេត្តស្វាយរៀង ។

ក្នុងពិធីនេះក៏មានការអញ្ជើញចូលរួមពីសំណាក់លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំទាក់ទំនងជាមួយរដ្ឋសភា ព្រឹទ្ធសភា និងអធិការកិច្ច ឯកឧត្ដម លោកជំទាវសមាជិកព្រឹទ្ធសភា រដ្ឋសភា ឯកឧត្ដម លោកជំទាវ ទេសរដ្ឋមន្ត្រី រដ្ឋមន្ត្រី រដ្ឋលេខាធិការ អនុរដ្ឋលេខាធិការ អគ្គមេបញ្ជាការ អគ្គមេបញ្ជារងកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស អគ្គស្នងការរងនគរបាលជាតិ ឯកឧត្ដម លោកជំទាវសមាជិកក្រុមការងារថ្នាក់ជាតិចុះមូលដ្ឋាននៅខេត្តស្វាយរៀង ក្រុមប្រឹក្សាខេត្ត អភិបាលរងខេត្ត មេបញ្ជាការកងកម្លាំងទាំងបី ប្រធានមន្ទី-អង្គភាព អភិបាលក្រុង ស្រុក ព្រមទាំងប្រធានក្រុមហ៊ុន រោងចក្រ សហគ្រាសនានាដែលមានកម្មករ កម្មការិនីចូលរួមក្នុងពិធីសំណេះសំណាលនៅថ្ងៃនេះ ។

នៅក្នុងឱកាសនោះផងដែរ សម្តេចតេជោ នាយករដ្ឋមន្ត្រី ក៏បានផ្ដល់កិត្តិយសដ៏ខ្ពង់ខ្ពស់អញ្ជើញកាត់ខ្សែបូសម្ពោដាក់ឲ្យប្រើប្រាស់តំបន់សេដ្ឋកិច្ចពិសេសថ្មី ឈ្មោះ អ៊ិនធើវៀ អូតូម៉ូបាល អ៊ិនដាសស្ទ្រី ខមផ្លេកស៍ ( Intervia Automobile Industry Complex) និងរោងចក្រដំឡើងរថយន្ត ដេហាន អូតូ (ខេមបូឌា) (Daehan Auto Cambodia) ស្ថិតនៅភូមិព្រៃផ្តៅ សង្កាត់ច្រកម្ទេស ក្រុងបាវិត ខេត្តស្វាយរៀង ដែលរោងចក្រដំឡើងរថយន្តនេះ នឹងមានលទ្ធភាពដំឡើងរថយន្តបាន ២ម៉ឺនគ្រឿង ក្នុង១ឆ្នាំ និងអាចបង្កើតការងារជូនប្រជាពលរដ្ឋក្នុងខេត្តស្វាយរៀង ប្រមាណ ១ម៉ឺនកន្លែង បន្ថែមទៀត ។

មានប្រសាសន៍ក្នុងពិធីនេះ សម្តេចតេជោ បានបង្ហាញនូវមោទនភាពចំពោះការអភិវឌ្ឍរីកចម្រើន នៅក្រុងបាវិតនាពេលបច្ចុប្បន្ននេះ ដែលខុសពីអតីតកាល ក្រុងបាវិត មានតំបន់សេដ្ឋកិច្ចពិសេសត្រឹមតែ ១កន្លែង ក៏ប៉ុន្តែពេលនេះតំបន់សេដ្ឋកិច្ចពិសេស មានរហូតទៅដល់ ៨កន្លែង និងមានកម្មករកម្មការិនីធ្វើការប្រមាណជាង ៤ម៉ឺននាក់ ។

សម្តចតេជោ ក៏បានបញ្ជាក់បន្ថែមថា ក្រុងបាវិតនេះ ពីអតីតកាលគឺជាតំបន់សមរភូមិក្តៅដែលពោរពេញទៅដោយបញ្ហាសង្គ្រាមរ៉ាំរ៉ៃ ហើយកាលពី ៤៣ឆ្នាំមុន ប្រជាពលរដ្ឋកម្ពុជាត្រូវរត់ព្រាត់ប្រាស់គ្នាក្នុងរបបប្រល័យពូជសាសន៍ប៉ុលពត ក៏ប៉ុន្តែក្នុងរយះពេល៤៣ឆ្នាំចុងក្រោយនេះ ប្រជាពលរដ្ឋកម្ពុជាបានជួបជុំគ្នា និងរស់នៅដោយសុខសន្តិភាព ។

ទន្ទឹមនឹងនេះដែរ សម្តេចតេជោ បានអំពាវនាវឲ្យកម្មករកម្មការិនី ក៏ដូចជាប្រជាពលរដ្ឋទាំងអស់ត្រូវរួមគ្នាថែរក្សា ”សន្តិភាព” ឲ្យបានគង់វង្ស ដើម្បីបន្តការអភិវឌ្ឍប្រទេសជាតិឲ្យមានការរីកចម្រើនតទៅមុខទៀត សុំកុំឲ្យបណ្តារោងចក្រទាំងអស់មាននូវបងតូចបងធំ(ជើងកាង) ដែលមកបំបះបំបោរកម្មករយើង និងសូមឲ្យកម្មករ កម្មការិនី ត្រូវរួមគ្នា រក្សាការងាររបស់ខ្លួន ត្រូវគោរពគ្នាទៅវិញទៅមករវាងម្ចាស់រោងចក្រ និងកម្មករ ។

នៅចុងបញ្ចប់ សម្តេចតេជោ បានឧបត្ថម្ភនូវប្រាក់លើកទឹកចិត្តមួយចំនួនដល់កម្មករ និងបានឧបត្ថម្ភថវិកាដល់កម្មការិនីមានផ្ទៃពោះចំនួន ៨២១នាក់ ព្រមទាំងបានថតរូបអនុស្សាវរីយ៍ Free Selfie ដែលបង្ហាញនូវការអាណិតស្រឡាញ់ និងយកចិត្តទុកដាក់យ៉ាងស្មោះស្ម័គ្រចំពោះបងប្អូនកូនក្មួយ កម្មករ កម្មការិនីប្រកបដោយភាពស្និទ្ធស្នាល និងសប្បាយរីករាយក្រៃលែង ៕

អត្ថបទ​ផ្សេងៗ​ទៀត...

  1. នាព្រឹកថ្ងៃទីសុក្រ ០៥រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី០៤ ខែឧសភា ឆ្នាំ២០១៨នេះ នៅសាលប្រជុំសាលាខេត្ត ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញដឹកនាំកិច្ចប្រជុំត្រួតពិនិត្យពីវឌ្ឍនភាពការងារសហការរៀបចំពិធីសំណេះសំណាល
  2. នាព្រឹកថ្ងៃព្រហស្បតិ៍ ០៤រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី០៣ ខែឧសភា ឆ្នាំ២០១៨នេះ ខេត្តស្វាយរៀងពិតជាមានមហាកិត្តិយសក្រៃលែង ដោយបានទទួលនូវព្រះវត្តមានដ៏ថ្លៃថ្លារបស់ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី
  3. ព្រះរាជពិធីច្រត់ព្រះនង្គ័ល និងតាំងពិព័រណ៍ផលិតផល​កសិកម្ម សិប្បកម្មក្នុងស្រុក នៅភូមិស្រះវង់ សង្កាត់ស្វាយ​រៀ​ង ក្រុងស្វាយរៀង ខេត្តស្វាយរៀង
  4. នាព្រឹកថ្ងៃព្រហស្បតិ៍ ៩កើត ខែមាឃ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី២៥ ខែមករា ឆ្នាំ២០១៨នេះ នៅសាលប្រជុំសាលាខេត្តស្វាយរៀង មានរៀបចំកិច្ចប្រជុំបូកសរុបលទ្ធផលការងារប្រចាំខែមករា និងលើកទិសដៅការងារខែកុម្ភៈ ឆ្នាំ២០១៨

ព័ត៌មានថ្មីៗ

យុទ្ធសាស្ត្រចតុកោណ(ដ៣)

ចំនួនអ្នកទស្សនា

ថ្ងៃនេះ 0

ម្សិលមិញ 36

សប្តាហ៍ 36

ខែ 123

សរុប 7346