ប្រព័ន្ធស្ថិតិអត្រានុកូលដ្ឋាន

បណ្ណាល័យ គ.ជ.អ.ប

រដ្ឋបាលខេត្តស្វាយរៀង បានរៀបចំពិធីប្រកាសចូលកាន់មុខតំណែងអភិបាលរង នៃគណៈអភិបាលខេត្តស្វាយរៀង និងអភិបាល នៃគណៈអភិបាលស្រុកកំពង់រោទិ៍

នាព្រឹកថ្ងៃពុធ ៧កើត ខែកត្ដិក ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៤ ខែវិច្ឆិកា ឆ្នាំ២០១៨នេះ រដ្ឋបាលខេត្តស្វាយរៀង បានរៀបចំពិធីប្រកាសចូលកាន់មុខតំណែងអភិបាលរង នៃគណៈអភិបាលខេត្តស្វាយរៀង និងអភិបាល នៃគណៈអភិបាលស្រុកកំពង់រោទិ៍ ក្រោមអធិបតីភាពឯកឧត្ដម ឡាំ ជា រដ្ឋលេខាធិការក្រសួងមហាផ្ទៃ តំណាងដ៏ខ្ពង់ខ្ពស់សម្ដេចក្រឡាហោម ស ខេង នាយករដ្ឋមន្ត្រីស្ដីទី នៃរាជរដ្ឋាភិបាលកម្ពុជា នៅសាលប្រជុំធំ អគារ ឃ សាលាខេត្តស្វាយរៀង ។

វត្តមានអញ្ជើញចូលរួមក្នុងពិធីនេះ រួមមាន លោកជំទាវអនុរដ្ឋលេខាធិការ ឯកឧត្ដមអគ្គនាយក អគ្គនាយករង អគ្គស្នងការរងនគរបាលជាតិ អគ្គលេខាធិការរង ឯកឧត្ដម អស់លោកគណៈប្រតិភូក្រសួងមហាផ្ទៃ ឯកឧត្ដម ជុំ ហាត ប្រធានក្រុមប្រឹក្សាខេត្ត ឯកឧត្តម ម៉ែន វិបុល អភិបាល នៃគណៈអភិបាលខេត្ត ឯកឧត្តម លោកជំទាវ សមាជិក សមាជិកាក្រុមប្រឹក្សាខេត្ត អភិបាលរងខេត្ត លោក លោកស្រីនាយក នាយករងរដ្ឋបាលសាលាខេត្ត តំណាងកងកម្លាំងទាំងបី លោក លោកស្រី ប្រធានមន្ទីរ អង្គភាពជុំវិញខេត្ត លោកប្រធានក្រុមប្រឹក្សា និងអភិបាលក្រុង ស្រុក លោក លោកស្រី នាយក នាយករងទីចាត់ការ ប្រធាន-អនុប្រធានអង្គភាពលទ្ធកម្ម អង្គភាពច្រកចេញចូលតែមួយ និងការិយាល័យប្រជាពលរដ្ឋខេត្ត ប្រធាន អនុប្រធានការិយាល័យចំណុះសាលាខេត្ត ប្រធានច្រកទ្វារព្រំដែនក្នុងខេត្ត ប្រធានវរព្រំដែន អធិការនគរបាលក្រុង ស្រុក និងមេឃុំ ចៅសង្កាត់ ប្រមាណ ៣៥០នាក់ ។

ក្នុងឱកាសនោះ ឯកឧត្ដម ម៉ែន វិបុល អភិបាល នៃគណៈអភិបាលខេត្ត បានសម្ដែងនូវការស្វាគមន៍ និងថ្លែងអំណរគុណយ៉ាងជ្រាលជ្រៅចំពោះឯកឧត្ដមរដ្ឋលេខាធិការ និងគណៈប្រតិភូក្រសួងមហាផ្ទៃ ដែលបានផ្ដល់កិត្តិយសអញ្ជើញជាអធិបតី និងចូលរួមក្នុងពិធីនៅថ្ងៃនេះ ព្រមទាំងបានបង្ហាញជូនពីលទ្ធផលការងារសំខាន់ៗដែលរដ្ឋបាលខេត្តសម្រេចបាននាពេលកន្លងមក រួមទាំងការអភិវឌ្ឍសេដ្ឋកិច្ចសង្គម ការផ្ដល់សេវាសាធារណៈ ការកសាងហេដ្ឋារចនាសម្ព័ន្ធរូបវ័ន្ត និងការថែរក្សាសន្តិសុខ សុវត្ថិភាព និងសណ្ដាប់ធ្នាប់សាធារណៈក្នុងខេត្ត ព្រមទាំងការងារសំខាន់ៗផ្សេងទៀតដែលបម្រើជាប្រយោជន៍ និងសេចក្ដីត្រូវការរបស់ប្រជាពលរដ្ឋនៅមូលដ្ឋាន ។

មានប្រសាសន៍ក្នុងឱកាសនោះ ឯកឧត្ដមរដ្ឋលេខាធិការ បានថ្លែងនូវការកោតសរសើរ និងវាយតម្លៃខ្ពស់ ចំពោះក្រុមប្រឹក្សាខេត្ត គណៈអភិបាលខេត្ត អាជ្ញាធរដែនដីគ្រប់លំដាប់ថ្នាក់ កងកម្លាំងប្រដាប់អាវុធគ្រប់ប្រភេទ និងមន្ទីរ-អង្គភាពពាក់ព័ន្ធក្នុងខេត្តស្វាយរៀងទាំងអស់ ដែលបានរួមសាមគ្គីសហការគ្នាខិតខំប្រឹងប្រែងយ៉ាងសកម្មក្នុងការអនុវត្តកម្មវិធីនយោបាយ និងយុទ្ធសាស្រ្តចតុកោណ របស់រាជរដ្ឋាភិបាលកម្ពុជា ដោយបានជំរុញការអភិវឌ្ឍខេត្តឲ្យមានការរីកចម្រើនលើគ្រប់វិស័យ និងរក្សាបាននូវសន្តិសុខសណ្ដាប់សាធារណៈសង្គមបានល្អប្រសើរ នាពេលកន្លងមក ។

ទន្ទឹមនេះ ឯកឧត្ដមរដ្ឋលេខាធិការ ក្នុងនាមសម្ដេចក្រឡាហោម ក៏បានថ្លែងនូវការអបអរសាទរ និងបានផ្ដាំផ្ញើចំពោះលោកអភិបាលរងខេត្ត និងលោកអភិបាលស្រុក ដែលទើបទទួលការតែងតាំងមុខតំណែងថ្មី ត្រូវប្រកាន់ខ្ជាប់នូវសាមគ្គីភាពផ្ទៃក្នុង និងត្រូវខិតខំប្រឹងប្រែងសហការ ចូលរួមក្នុងដំណើរការអភិវឌ្ឍន៍ខេត្ត ស្រុក ឲ្យមានការរីកចម្រើន ធ្វើឲ្យប្រជាពលរដ្ឋកាន់តែមានជីវភាពធូរធារ ប្រកបដោយសេចក្ដីសុខសាន្ដបន្ថែមទៀត ដោយឡែកអាជ្ញាធរដែនដីគ្រប់លំដាប់ថ្នាក់ និងកងកម្លាំងប្រដាប់អាវុធគ្រប់ប្រភេទ ត្រូវបន្តចាត់តាំងការអនុវត្តយុទ្ធនាការប្រយុទ្ធប្រឆាំងគ្រឿងញៀនខុសច្បាប់ និងគោលនយោបាយភូមិ ឃុំ មានសុវត្ថិភាព ធ្វើយ៉ាងណាបង្ការ ទប់ស្កាត់ និងបង្រ្កាបឲ្យបានចំពោះបទល្មើសគ្រប់ប្រភេទ ជាពិសេសបទល្មើសប្លន់ប្រដាប់អាវុធ គ្រឿងញៀន ល្បែងស៊ីសង និងត្រូវបន្តពង្រឹងកិច្ចសហប្រតិបត្តិការឲ្យបានល្អប្រសើរជាមួយប្រទេសជិតខាង ដើម្បីរួមគ្នាថែរក្សាសន្តិសុខ សណ្ដាប់ធ្នាប់ព្រំដែន និងការបង្ការ ទប់ស្កាត់បទល្មើសឆ្លងកាត់ព្រំដែនគ្រប់ប្រភេទ ។

សូមបញ្ជាក់ថា យោងតាមអនុក្រឹត្យលេខ៩៤១ អនក្រ.តត ចុះថ្ងៃពុធ ២រោច ខែភទ្របទ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៦ ខែកញ្ញា ឆ្នាំ២០១៨ ត្រូវបានតែងតាំង លោក សុខ រស់ ឋានន្តរស័ក្ដិវរមន្ត្រី ថ្នាក់លេខ៤ ក្របខ័ណ្ឌមន្ត្រីរដ្ឋបាលជាន់ខ្ពស់ក្រសួងមហាផ្ទៃ ជាអភិបាលរង នៃគណៈអភិបាលខេត្តស្វាយរៀង និងអនុក្រឹត្យលេខ៩៤០ អនក្រ.តត ចុះថ្ងៃពុធ ២រោច ខែភទ្របទ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៦ ខែកញ្ញា ឆ្នាំ២០១៨ ត្រូវបានតែងតាំង លោក សុច ពិសី ឋានន្តរស័ក្ដិវរមន្ត្រី ថ្នាក់លេខ២ ក្របខ័ណ្ឌមន្ត្រីរដ្ឋបាលជាន់ខ្ពស់ក្រសួងមហាផ្ទៃ ជាអភិបាល នៃគណៈអភិបាលស្រុកកំពង់រោទិ៍ ៕

 

ឯកឧត្តមអ៊ុយ​​​ ថន​​​​​​ សមាជិកក្រុមប្រឹក្សាខេត្ត​​ លោកជំទាវឯក​ សុវណ្ណភារៈ អភិបាលរង​ នៃគណៈអភិបាលខេត្តស្វាយរៀង បានអញ្ជើញជាគណៈអធិបតីវេទិក្នុងការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តស្វាយរៀង នៅវត្តស្វាយជ្រំ ស្រុកស្វាយជ្រំ

ព្រឹកថ្ងៃអង្គារ ៦កើត ខែកត្តិក ឆ្នាំច សំរឹទ្ឌិស័ក ព.ស ២៥៦២ ត្រូវនឹងថ្ងៃទី១៣ ខែវិច្ឆិកា ឆ្នាំ២០១៨ ឯកឧត្តមអ៊ុយ​​​ ថន​​​​​​ សមាជិកក្រុមប្រឹក្សាខេត្ត​​ លោកជំទាវឯក​ សុវណ្ណភារៈ អភិបាលរង​ នៃគណៈអភិបាលខេត្តស្វាយរៀង បានអញ្ជើញជាគណៈអធិបតីក្នុងវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តស្វាយរៀង នៅវត្តស្វាយជ្រំ ស្រុកស្វាយជ្រំ ខេត្តស្វាយរៀង ។

វេទិកានេះប្រារពឡើង ដើម្បីស្វែងយល់ពីតម្រូវការរបស់ប្រជាពលរដ្ឋ ដោះស្រាយបញ្ហាប្រឈម ក៏ដូចជាសំណូមពរនានា  ជូនប្រជាពលរដ្ឋនៅមូលដ្ឋានដែលបានជួបប្រទះនាពេលកន្លងមក ។

ឯកឧត្តម ហែម ពិសិដ្ឋ អញ្ជើញជាអធិបតីក្នុងពិធីបើកសិក្ខាសាលាសមាហរណកម្ម កម្មវិធីវិនិយោគបីឆ្នាំរំកិល(២០១៩-២០២១)​នៅសាលាស្រុកស្វាយជ្រំ ខេត្តស្វាយរៀេង

ឯកឧត្តម ហែម ពិសិដ្ឋ អញ្ជើញជាអធិបតីក្នុងពិធីបើកសិក្ខាសាលាសមាហរណកម្ម កម្មវិធីវិនិយោគបីឆ្នាំរំកិល(២០១៩-២០២១)​នៅសាលាស្រុកស្វាយជ្រំ

នាព្រឹកថ្ងៃចន្ទ ៥កើត ខែកត្ដិក ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១២ ខែវិច្ឆិកា ឆ្នាំ២០១៨នេះ នៅសាលាស្រុកស្វាយជ្រំ មានបើកសិក្ខាសាលាសមាហរណកម្មកម្មវិធីវិនិយោគបីឆ្នាំរំកិល(២០១៩-២០២១) ក្រោមអធិបតីភាពឯកឧត្តម ហែម ពិសិដ្ឋ អភិបាលរង នៃគណៈអភិបាលខេត្តស្វាយរៀង និងមានការអញ្ជើញចូលរួមពីសំណាក់លោកស្រីនាយករងរដ្ឋបាល លោក លោកស្រី ប្រធាន អនុប្រធានមន្ទីរ និងជាក្រុមការងារកសាងផែនការខេត្ត នាយកទីចាត់ការនានារបស់សាលាខេត្ត ប្រធានក្រុមប្រឹក្សាស្រុក លោកអភិបាល អភិបាលរង ស្រុក លោកនាយករដ្ឋបាលស្រុក ប្រធានការិយាល័យគាំទ្រឃុំ ប្រធានការិយាល័យផែនការ-ស្ថិតិ ស្រុក ប្រធាន អនុប្រធាន មន្រ្ដីរាជការការិយាល័យជុំវិញស្រុក មេឃុំក្រុមប្រឹក្សាឃុំ អង្គការសង្គមស៊ីវិលនានា សរុបចំនួន ៨៩នាក់ ។

សូមជម្រាបជូនថា គម្រោងដែលបានស្នើឡើងក្នុងឆ្នាំ(២០១៩-២០២១) ក្នុងសមាហរណកម្មផែនការឃុំរបស់ស្រុកស្វាយជ្រំ មាន៣១គម្រោងក្នុងនោះមាន - ផ្នែកសេដ្ឋកិច្ចមាន៧ គម្រោង - ផ្នែកសង្គមកិច្ច មាន ៩ គម្រោង - ផ្នែកធនធាន ធម្មជាតិបរិស្ថាន និងការបន្សាំនិងការប្រែប្រួលអាកាសធាតុ មាន ៨ គម្រោង - ផ្នែករដ្ឋបាល និងសន្និសុខ សណ្តាប់ធ្នាប់សាធារណៈ មាន៧ គម្រោង។

មានប្រសាសន៍នៅក្នុងពិធីនេះឯកឧត្តម ហែម ពិសិដ្ឋ បានលើកឡើង និងសង្ឃឹមថា គ្រប់ឃុំដែលបានមកចូលនៅថ្ងៃនេះ និងអាចអនុវត្តតាមគម្រោងរបស់ខ្លួន និងធនធានរបស់មន្ទីរអង្គភាព អង្គការសង្គមស៊ីវិល និងសប្បុរសជន ដើម្បីគាំទ្រ គម្រោងនៅតាមបណ្តាឃុំទាំងនោះ។ កន្លងមកការកសាងហេដ្ឋារចនាសម្ព័ន្ធ និងសមិទ្ធផលនានានៅក្នុងឃុំ សុទ្ធតែមានការចូលរួមពីប្រជាពលរដ្ឋ នៅតាមសហគមន៍ ហើយតម្រូវការទាំងនេះបានឆ្លុះបញ្ជាំងអំពីបញ្ហា និងតម្រូវការជាក់ស្តែងដែលបានកើតឡើងនៅក្នុងមូលដ្ឋាននោះ ដូច្នេះសូមឲ្យលោក លោកស្រី ទាំងអស់ យកចិត្តទុកដាក់បន្ថែមទៀតចូលរួមគាំទ្រដើម្បីដោះស្រាយបញ្ហាទាំងនេះ។

ឯកឧត្តមបានបញ្ជាក់ថា សិក្ខាសាលានាពេលនេះគឺជាពេលវេលាលើកឡើងពីវិមជ្ឈការ និងវិសហមជ្ឈការ ក្នុងគោលបំណងផ្តល់ឱកាសឱ្យមានការផ្សារភ្ជាប់ឲ្យកាន់តែរលូន រវាងដំណើរការកសាងផែនការរបស់ឃុំ ជាមួយមន្ទីរអង្គភាព អង្គការក្រៅរដ្ឋាភិបាល ម្ចាស់ជំនួយ ដៃគូអភិវឌ្ឍន៍នានា។ ឯកឧត្តមបានស្នើឲ្យមន្ទីអង្គភាពពាក់ព័ន្ធទាំងនោះ ពិនិត្យមើលយន្តការក្នុងការធ្វើផែនការ និងការអនុវត្តគម្រោង ឲ្យមានភាពរលូន ជាមួយគ្នា ដើម្បីជួយពង្រឹងតួនាទីរបស់ក្រុមប្រឹក្សាឃុំសង្កាត់ ពិនិត្យមើលប្រភពថវិការបស់មន្ទីរអង្គភាព ដើម្បីគាំទ្រគម្រោងរបស់ឃុំដែលជាតម្រូវការ និងសំណូមពររបស់ប្រជាពលរដ្ឋ ទន្ទឹមនឹងនេះត្រូវពិនិត្យមើលលក្ខណៈបច្ចេកទេស នៃគម្រោងនីមួយៗឲ្យបានច្បាស់លាស់ផងដែរ ៕

ឯកឧត្ដម រស់ ផារិទ្ធ អភិបាលរង នៃគណៈអភិបាលខេត្តស្វាយរៀងអញ្ជើញជាអធិបតីក្នុងពិធីសិក្ខាសាលាសមាហរណកម្មកម្មវិធីវិនិយោគបីឆ្នាំរំកិល(២០១៩-២០២១) នៅថ្នាក់ស្រុក ឆ្នាំ២០១៨នៅស្រុកកំពង់រោទិ៍

នាព្រឹកថ្ងៃចន្ទ ៥កើត ខែកត្ដិក ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១២ ខែវិច្ឆិកា ឆ្នាំ២០១៨នេះ នៅស្រុកកំពង់រោទិ៍ ខេត្តស្វាយរៀង មានរៀបចំសិក្ខាសាលាសមាហរណកម្មកម្មវិធីវិនិយោគបីឆ្នាំរំកិល(២០១៩-២០២១) នៅថ្នាក់ស្រុក ឆ្នាំ២០១៨ ក្រោមអធិបតីភាពឯកឧត្ដម រស់ ផារិទ្ធ អភិបាលរង នៃគណៈអភិបាលខេត្តស្វាយរៀង និងមានការអញ្ជើញចូលរួមពី លោក លោកស្រីប្រធាន អនុប្រធានមន្ទីរ-អង្គភាពនានាក្នុងខេត្ត ក្រុមប្រឹក្សាស្រុក គណៈអភិបាលស្រុក ការិយាល័យនានាជុំវិញស្រុក លោក លោកស្រីមេឃុំ ស្មៀនឃុំ អង្គការសង្គមស៊ីវិល និងមន្ត្រីពាក់ព័ន្ធជាច្រើនរូបទៀត ។

សិក្ខាសាលាសមាហរណកម្មកម្មវិធីវិនិយោគបីឆ្នាំរំកិលនៅថ្នាក់ស្រុកនេះ ត្រូវបានប្រារព្ធធ្វើជារៀងរាល់ឆ្នាំ ក្នុងគោលបំណង ដើម្បីឲ្យគម្រោងសកម្មភាពជាអាទិភាពស្នើឡើងនៅថ្នាក់ស្រុក មានភាពស៊ីសង្វាក់ប្រទាក់ក្រឡាគ្នាទៅនឹងគោលនយោបាយយុទ្ធសាស្ត្រ និងសកម្មភាពនានារបស់បណ្ដាមន្ទីរ-អង្គភាពជំនាញ និងអង្គការមិនមែនរដ្ឋាភិបាល ឈានទៅសម្រេចបាននូវគោលដៅរួមនៃការអភិវឌ្ឍមូលដ្ឋានប្រកបដោយប្រសិទ្ធភាព និងស័ក្ដិសិទ្ធិភាព ឆ្លើយតបទៅនឹងតម្រូវការជាក់ស្ដែងពិតប្រាកដរបស់ប្រជាពលរដ្ឋ ។

ដំណើរការសិក្ខាសាលានេះ ប្រព្រឹត្តទៅដោយមានការចុះកិច្ចសន្យាគាំទ្រគម្រោងរវាងមន្ទីរជំនាញ និងអង្គការនានា ជាមួយនឹងអង្គភាពអនុវត្តនៅថ្នាក់ស្រុក ក្នុងនោះស្រុកកំពង់រោទិ៍ មានគម្រោងគាំទ្រសរុប ១៦៤គម្រោង (ក្នុងគម្រោង ២៦គម្រោង និង ក្រៅគម្រោងចំនួន ១៣៨គម្រោង) ៕

អត្ថបទ​ផ្សេងៗ​ទៀត...

  1. នៅព្រឹកថ្ងៃអាទិត្យ ០៤រោច ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០១ ខែកក្កដា ឆ្នាំ២០១៨នេះ ឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង រួមដំណើរដោយលោកប្រធានមន្ទីរសាធារណការ និងដឹកជញ្ចូនខេត្ត លោកប្រធានមន្ទីរអភិវឌ្ឍន៍ជនបទខេត្ត លោកប្រធានមន្ទី
  2. នៅព្រឹកថ្ងៃសៅរ៍ ០៣រោច ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៣០ ខែមិថុនា ឆ្នាំ២០១៨នេះ ឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង បានដឹកនាំក្រុមការងារចម្រុះ ដោយមានការចូលរួមពីលោកប្រធានមន្ទីរ អង្គភាពជំនាញពាក់ព័ន្ធនានាក្នុងខេត្ត
  3. នៅថ្ងៃព្រហស្បតិ៍ ០១រោច ខែបឋមាសាឍ ឆ្នាំច សំរឹទ្ធស័ក ព.ស. ២៥៦២ ត្រូវថ្ងៃទី២៨ ខែមិថុនា ឆ្នាំ២០១៨ ឯកឧត្តម ហែម ពិសិដ្ឋ អភិបាលរង នៃគណៈអភិបាលខេត្តស្វាយរៀង បានដឹកនាំអង្គប្រជុំដោះស្រាយបញ្ហាទឹកលិចដំណាំស្រូវបងប្អូនកសិករ ស្ថិតក្នុងឃុំបាសាក់ ស្រុកស្វាយជ្រំ ដែលទទួលរងផល
  4. នាព្រឹកថ្ងៃព្រហស្បតិ៍ ០១រោច ខែបឋមាសាឍ ឆ្នាំច សំរិទ្ធិស័ក ព.ស.២៥៦២ ត្រូវនឹងថ្ងៃទី២៨ ខែមិថុនា ឆ្នាំ២០១៨នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានអនុញ្ញាតឲ្យក្រុមអ្នកយកព័ត៌មានរបស់ទូរស្សន៍ជាតិរំដួលស្វាយរៀង ស្ថានីយ៍ទូរទស្សន៍បាយ័នព័ត៌មាន

ព័ត៌មានថ្មីៗ

យុទ្ធសាស្ត្រចតុកោណ(ដ៣)

ចំនួនអ្នកទស្សនា

ថ្ងៃនេះ 1

ម្សិលមិញ 4

សប្តាហ៍ 10

ខែ 146

សរុប 8761