ប្រព័ន្ធស្ថិតិអត្រានុកូលដ្ឋាន

បណ្ណាល័យ គ.ជ.អ.ប

កិច្ចប្រជំុដំបូងរបស់គណ:កម្មាធិការបោះឆ្នោតជ្រេីសវេីស ប្រធាន.អនុប្រធានការិយាល័យប្រជាពលរដ្ឋខេត្តស្វាយរៀង

នាព្រឹកថ្ងៃទី០៦ ខែវិច្ឆិកា ឆ្នាំ២០១៧នេះ នៅសាលប្រជុំសាលាខេត្ត មានរៀបចំកិច្ចប្រជំុដំបូងរបស់គណ:កម្មាធិការបោះឆ្នោតជ្រេីសវេីស ប្រធាន.អនុប្រធានការិយាល័យប្រជាពលរដ្ឋខេត្តស្វាយរៀង ក្រោមអធិបតីភាពឯកឧត្តមបណ្ឌិត គឺម ធា ប្រធានក្រុមប្រឹក្សាខេត្ត និងជាប្រធានគណ:កម្មាធិការបោះឆ្នោត​ និងដោយមានការចូលរួមពីឯកឧត្តម លោកជំទាវសមាជិក សមាជិកាក្រុមប្រឹក្សាខេត្ត លោកនាយករងរដ្ឋបាលសាលាខេត្ត លោកប្រធានសមាគមក្រុមប្រឹក្សាក្រុង ស្រុក ​ឃំុ សង្កាត់ លោក លោកស្រី​តំណាងអង្គការសង្គមស៊ីវីលជាតិ​​​ និងអង្គភាពចំណុះសាលាខេត្ត ៕

 

 

 

ឯកឧត្ដម ម៉ែន វិបុល អភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តស្វាយរៀង បានអញ្ជើញជាអធិបតីក្នុងពិធីបើកវគ្គហ្វឹកហ្វឺនបំប៉នជំនាញការពារព្រំដែន

នាព្រឹកថ្ងៃទី០៦ ខែវិច្ឆិកា ឆ្នាំ២០១៧នេះ ឯកឧត្ដម ម៉ែន វិបុល អភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តស្វាយរៀង បានអញ្ជើញជាអធិបតីក្នុងពិធីបើកវគ្គហ្វឹកហ្វឺនបំប៉នជំនាញការពារព្រំដែន ជូននាយទាហាន នាយទាហានរង ពលទាហាន វរសេនាតូចការពារព្រំដែនគោកលេខ២០១ នៃបញ្ជាការដ្ឋានតំបន់ប្រតិបត្តិការសឹករងស្វាយរៀង ចំនួន ១០៥នាក់ នៅសាលប្រជុំទីបញ្ជាការដ្ឋានវរសេនាតូចការពារព្រំដែនគោកលេខ២០១ ស្ថិតនៅឃុំប្រសូតិ ស្រុកស្វាយទាប ខេត្តស្វាយរៀង ។

មានប្រសាសន៍ក្នុងឱកាសនោះ ឯកឧត្ដមអភិបាលខេត្ត បានថ្លែងនូវការកោតសរសើរចំពោះថ្នាក់ដឹកនាំបញ្ជាការដ្ឋានតំបន់ប្រតិបត្តិការសឹករងស្វាយរៀង ដែលបានរៀបចំនូវវគ្គហ្វឹកហ្វឺនដ៏មានសារៈសំខាន់នេះឡើង ដែលពិតជានឹងរួមចំណែកក្នុងការកសាងប្រភពធនធានមនុស្សក្នុងកងយោធពលខេមរភូមិន្ទ ដើម្បីពង្រឹងពង្រីកនូវសមត្ថភាពការពារបូរណភាពទឹកដី ការពារខ្សែបន្ទាត់ព្រំដែន និងការពារជាតិមាតុភូមិ ផ្ដល់ឲ្យសិក្ខាកាមគ្រប់រូបបានយល់ច្បាស់នូវយុទ្ធវិធី និងជំនាញច្បាស់លាស់ពិតប្រាកដក្នុងកិច្ចការពារព្រំដែន និងធ្វើឲ្យយោធិនតាមបណ្តាកងអង្គភាព ដែលមានភារកិច្ចទទួលខុសត្រូវនៅតាមទីតាំងឈរជើងនីមួយៗ កាន់តែទទួលបានជោគជ័យក្នុងការបំពេញភារកិច្ចក្នុងបេសកម្មជាក់ស្តែង ។ ទន្ទឹមនេះ ក្នុងនាមគណៈបញ្ជាការឯកភាពរដ្ឋបាលខេត្ត ឯកឧត្ដមក៏ថ្លែងនូវការអរគុណ និងវាយតម្លៃខ្ពស់ចំពោះតំបន់ប្រតិបត្តិការសឹករងស្វាយរៀង នាយទាហាន នាយទាហានរង ពលទាហានទាំងអស់ ដែលកន្លងមក បានចូលរួមចំណែកយ៉ាងសកម្មនៅក្នុងកិច្ចការសង្គម និងការជួយសង្គ្រោះប្រជាពលរដ្ឋពេលជួបប្រទះនូវគ្រោះមហន្តរាយធម្មជាតិ គ្រោះថ្នាក់សង្គមផ្សេងៗ និងសហការថែរក្សាសន្តិសុខ សុវត្ថិភាព សណ្ដាប់ធ្នាប់សាធារណៈ នៅក្នុងខេត្តបានល្អប្រសើរ ។

ជាមួយនេះ ឯកឧត្ដមអភិបាលខេត្ត ក៏បានជម្រាបជូនអំពីស្ថានភាព និងការវិវត្តន៍នៃសភាពការណ៍នយោបាយថ្មីៗនៅក្នុងប្រទេសជូនដល់នាយទាហាន និងពលទាហានទាំងអស់ ព្រមទាំងបានផ្ដាំផ្ញើដល់សិក្ខាកាមនៃវគ្គហ្វឹកហ្វឺននេះ ឲ្យខិតខំយកចិត្តទុកដាក់សិក្សារៀនសូត្រទាំងផ្នែកទ្រឹស្ដី និងការអនុវត្តជាក់ស្ដែង និងត្រងត្រាប់ស្ដាប់គ្រូឧទ្ទេសនាម ដើម្បីទទួលបាននូវចំណេះដឹង និងពុទ្ធិថ្មីៗ សម្រាប់យកទៅអនុវត្តបម្រើឲ្យសេចក្ដីត្រូវការរបស់អង្គភាព ជាពិសេសក្នុងកិច្ចការពារជាតិ ការពារឯករាជ្យភាព សន្តិភាព ស្ថិរភាពសង្គម ការពារខ្សែបន្ទាត់ព្រំដែន និងបូរណភាពទឹកដី ដោយឡែកសម្រាប់នាយទាំងហាន និងពលទាហានទាំងអស់ត្រូវចុះស្វែងយល់ និងស្គាល់ទីតាំងបង្គោលព្រំដែន និងភូមិសាស្ត្រនៅតាមបណ្ដោយព្រំដែនឲ្យបានច្បាស់លាស់ ដើម្បីងាយស្រួលក្នុងការប្រតិបត្តិការងារទទួលខុសត្រូវរបស់ខ្លួន ។

នៅចុងបញ្ចប់ ឯកឧត្ដមអភិបាលខេត្ត បានឧបត្ថម្ភពិធីបើកវគ្គហ្វឹកហ្វឺននេះ នូវថវិកា ចំនួន ០៦លានរៀល ៕

 

ឯកឧត្ដមបណ្ឌិត គឹម ធា បានអញ្ជើញជាអធិបតីក្នុងពិធីបើកបវេសនកាល ឆ្នាំសិក្សា២០១៧-២០១៨ នៅវិទ្យាល័យចំណេះទូទៅ និងបច្ចេកទេសបាវិត

នាព្រឹកថ្ងៃទី០១ ខែវិច្ឆិកា ឆ្នាំ២០១៧នេះ ឯកឧត្ដមបណ្ឌិត គឹម ធា ប្រធានក្រុមប្រឹក្សាខេត្តស្វាយរៀង បានអញ្ជើញជាអធិបតីក្នុងពិធីបើកបវេសនកាល ឆ្នាំសិក្សា២០១៧-២០១៨ នៅវិទ្យាល័យចំណេះទូទៅ និងបច្ចេកទេសបាវិត សង្កាត់បាវិត ក្រុងបាវិត ខេត្តស្វាយរៀង ដែលមានសិស្សានុសិស្ស លោកគ្រូ អ្នកគ្រូ មន្ត្រីរាជការ និងអង្គភាពពាក់ព័ន្ធ ចូលរួមយ៉ាងច្រើនកុះករ ។

ស្ថិតក្នុងឱកាសដ៏ឱឡារិកនោះ បន្ទាប់ពីអានសារលិខិតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ឯកឧត្ដមបណ្ឌិតប្រធានក្រុមប្រឹក្សាខេត្ត បានមានប្រសាសន៍ផ្ដាំផ្ញើដល់សិស្សានុសិស្សទាំងអស់ត្រូវខិតខំសិក្សារៀនសូត្រ ប្រព្រឹត្តខ្លួនឲ្យក្លាយទៅជាកូនល្អ សិស្សល្អ មិត្តល្អ ត្រូវចៀសឲ្យឆ្ងាយពីគ្រឿងញៀន និងល្បែងស៊ីសងគ្រប់ប្រភេទ ព្រមទាំងត្រូវចូលរួមគោរពច្បាប់ចរាចរណ៍ឲ្យបានខ្ជាប់ខ្ជួន បើកបរម៉ូតូត្រូវពាក់មួកសុវត្ថិភាពឲ្យបានត្រឹមត្រូវ ត្រូវមានការប្រុងប្រយ័ត្ន និងចេះយោគយល់អធ្យាស្រ័យគ្នានៅពេលបើកបរ ដើម្បីធានាសុវត្ថិភាពផ្ទាល់ខ្លួន និងអ្នកដ៏ទៃ ។

ក្នុងពិធីនេះឯកឧត្តមបណ្ឌិតប្រធានក្រុមប្រឹក្សាខេត្ត ក៏បានឧបត្ថម្ភថវិកាជូនគណៈកម្មការទ្រទ្រង់សាលាសម្រាប់ការកែលម្អបរិស្ថានសាលា ចំនួន ២០០$ ផងដែរ ៕

ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញជាអធិបតីក្នុងពិធីបើកបវេសនកាល ឆ្នាំសិក្សា២០១៧-២០១៨

នាព្រឹកថ្ងៃទី០១ ខែវិច្ឆិកា ឆ្នាំ២០១៧នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញជាអធិបតីក្នុងពិធីបើកបវេសនកាល ឆ្នាំសិក្សា២០១៧-២០១៨ នៅវិទ្យាល័យស្វាយរៀង ក្រុងស្វាយរៀង ខេត្តស្វាយរៀង ដែលមានសិស្សានុសិស្សចូលរួមចំនួន ២.៩៥៩នាក់ ស្រី ១.៥៦១នាក់ និងលោកគ្រូ អ្នកគ្រូ ១៥៧នាក់ ។ ពិធីនេះក៏មានការអញ្ជើញចូលរួមពីឯកឧត្ដមអភិបាលរងខេត្ត លោកនាយករដ្ឋបាលសាលាខេត្ត តំណាងកងកម្លាំងទាំងបី លោក លោកស្រីប្រធានមន្ទីរ-អង្គភាព លោកនាយកវិទ្យាល័យ និងនាយកសាលាបឋមសិក្សានានាក្នុងក្រុងស្វាយរៀង ព្រមទាំងតំណាងអង្គការសង្គមស៊ីវិលពាក់ព័ន្ធ ។

ស្ថិតក្នុងឱកាសដ៏ឱឡារិកនោះ បន្ទាប់ពីអានសារលិខិតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ឯកឧត្ដមអភិបាលខេត្ត បានមានប្រសាសន៍ផ្ដាំផ្ញើដល់សិស្សានុសិស្សទាំងអស់ត្រូវខិតខំសិក្សារៀនសូត្រ យកចិត្តទុកដាក់ក្រេបជញ្ជក់ចំណេះដឹងពីសំណាក់លោកគ្រូ អ្នកគ្រូ ប្រព្រឹត្តខ្លួនឲ្យក្លាយទៅជាកូនល្អ សិស្សល្អ មិត្តល្អ ត្រូវចៀសឲ្យឆ្ងាយពីគ្រឿងញៀន និងល្បែងស៊ីសងគ្រប់ប្រភេទ ដើម្បីក្លាយខ្លួនទៅជាទំពាំងស្នងឫស្សីដ៏រឹងមាំសម្រាប់ប្រទេសជាតិ និងជាមូលធនមនុស្សប្រកបដោយគុណភាព មានសក្ដានុពលសម្រាប់ការអភិវឌ្ឍសង្គមជាតិឲ្យមានការរីកចម្រើន ព្រមទាំងត្រូវចូលរួមគោរពច្បាប់ចរាចរណ៍ឲ្យបានខ្ជាប់ខ្ជួន បើកបរម៉ូតូត្រូវពាក់មួកសុវត្ថិភាពឲ្យបានត្រឹមត្រូវ ត្រូវមានការប្រុងប្រយ័ត្ន និងចេះយោគយល់អធ្យាស្រ័យគ្នានៅពេលបើកបរ ដើម្បីធានាសុវត្ថិភាពផ្ទាល់ខ្លួន និងអ្នកដ៏ទៃ ដោយឡែក រដ្ឋបាលខេត្តនៅតែត្រៀមម៉ូតូសម្រាប់ផ្ដល់ជារង្វាន់ដល់សិស្សក្នុងឆ្នាំសិក្សាថ្មីនេះ ដែលទទួលបាននិទ្ទេស A នាសម័យប្រឡងមធ្យមសិក្សាទុតិយភូមិឆ្នាំសិស្សា ២០១៧-២០១៨ ខាងមុខ ។

ក្នុងឱកាសនោះ ឯកឧត្ដមអភិបាលខេត្ត ក៏បានផ្ដល់កិត្តិយសបិទ និងចែកស្ទីកឃ័រសុវត្ថិភាពចរាចរណ៍ ព្រមទាំងចែកសៀវភៅណែនាំស្តីពីការពាក់មួកសុវត្ថិភាព និងការយល់ដឹងច្បាប់ចរាចរណ៍ផ្លូវគោក ជូនដល់លោកគ្រូ អ្នកគ្រូ និងសិស្សានុសិស្ស ផងដែរ ៕

ព័ត៌មានថ្មីៗ

យុទ្ធសាស្ត្រចតុកោណ(ដ៣)

ចំនួនអ្នកទស្សនា

ថ្ងៃនេះ 4

ម្សិលមិញ 2

សប្តាហ៍ 21

ខែ 84

សរុប 5551